Лінкі ўнівэрсальнага доступу

Расейскія ВНУ правяраюць на «пратэставы патэнцыял» — «КоммерсантЪ»


Ілюстрацыйнае фота. Санкт-Пецярбурскі акадэмічны ўнівэрсытэт РАН
Ілюстрацыйнае фота. Санкт-Пецярбурскі акадэмічны ўнівэрсытэт РАН

У вышэйшых навучальных установах Расеі сіламі грамадзян праводзіцца ацэнка «пратэставага патэнцыялу» студэнтаў і прафэсараў, піша «КоммерсантЪ». Па выніках праверак будуць складзеныя даведкі «для службовага выкарыстаньня» органаў дзяржаўнай улады.

Гэта абмяркоўвалася на шостым Кангрэсе прарэктараў ВНУ па выхаваўчай рабоце ў Маскве. Аўтары дасьледаваньня сьцьвярджаюць, што сярод выкладчыкаў сталічных ВНУ «адбываецца дэструктыўная прапаганда антыдзяржаўных ідэяў».

Намесьнік кіраўніка Інстытуту стратэгічных дасьледаваньняў і прагнозаў РУДН Мікіта Данюк адзначыў, што «дзяржава знаходзіцца ў стане неабвешчанай вайны», якая «мае гібрыдны характар і вядзецца на шмат франтоў». Адзін з такіх франтоў, казаў ён, «мэнтальны»: Захад выкарыстоўвае «практыку інсьпіраваньня дзяржаўных пераваротаў», а студэнцтва ў гэтым — адзін з галоўных «дэструктараў».

Цягам двух гадоў Данюк з калегамі наведаў 40 маскоўскіх і дзясятак рэгіянальных ВНУ, дзе заклікаў студэнтаў адкрыта выказваць свой пункт гледжаньня на палітычныя пытаньні, далучацца да дыскусіі. Насамрэч гэта і было яго дасьледаваньне «пратэставага патэнцыялу».

Цяпер, каб «ня даць дзяржаве апусьціцца ў хаос і безуладзьдзе», яго каманда распрацавала адмысловую адукацыйную праграму лекцыяў «у пытаньнях процідзеяньня дэструктыўным палітычным сілам». Праект лекцыяў мае рэалізоўвацца пры ўдзеле руху «Антымайдан».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG