Лінкі ўнівэрсальнага доступу

Севярынец: Падтрымаўшы акупацыю Крыму і Данбасу, Лукашэнка пілуе сук, на якім сам сядзіць


Павал Севярынец

Павал Севярынец

Аляксандар Лукашэнка сёньня, выступаючы на зьезьдзе Фэдэрацыі прафсаюзаў Беларусі, зрабіў крытычныя заявы пра падзеі на саміце «Ўсходняга партнэрства», які праходзіць у Рызе.

Кіраўніку Беларусі не падабаецца, што на саміце «ў кожным дакумэнце кляймяць ганьбаю Расею, не наўпрост, дык ускосна... Але ж Расея ня ўдзельнічае ва „Ўсходнім партнэрстве“. Чаму завочна, без Расеі мы павінны яе дубасіць, у тым ліку за Крым і гэтай далей?... І на нас крыўдзяцца, што мы гэта не падтрымалі. Гэта мая прынцыповая пазыцыя: „Усходняе партнэрства“, іншыя арганізацыі не павінны быць скіраваныя супраць кагосьці. Мы павінны адстойваць свае інтарэсы. Чаму мы павінны быць супраць Расеі?»

Гэтыя заявы грунтуюцца на адным — Лукашэнка хоча спадабацца Расеі,— упэўнены сустаршыня аргкамітэту ў справе стварэньня партыі Беларускай хрысьціянскай дэмакратыі Павал Севярынец:

«Нягледзячы на перамовы, якія ён вядзе з эўрапейцамі, публічна ён падтрымлівае расейскую палітыку. І гэта згубна і для яго самога, і для Беларусі. Таму што падтрымліваць акупацыю Крыму і Данбасу азначае пілаваць сук, на якім сядзіш. І для самога Лукашэнкі, і, паколькі ён аднаасобны кіраўнік Беларусі, гэта азначае кепскі варыянт і для Беларусі.

А называецца ўсё гэта вельмі проста — прарасейская, пракрамлёўская палітыка.

У сёньняшняй прамове Лукашэнка цалкам здае беларускія нацыянальныя інтарэсы. І здае інтарэсы Ўкраіны».

Паказаць камэнтары

XS
SM
MD
LG