Выратавальныя службы эвакуявалі з гораду Балаклеі Харкаўскай вобласьці, дзе ў ноч на 23 сакавіка адбыўся пажар на вайсковым складзе, каля 20 тысяч чалавек. У гэтым раёне закрыта паветраная прастора для ўсіх самалётаў, перакрыты рух па чыгуначнай дарозе, спынена газазабесьпячэньне.
Пажар на вайсковым складзе ў Балаклеі, які выклікаў выбух боепрыпасаў, паводле папярэдніх дадзеных украінскіх вайскоўцаў, паўстаў у выніку дзеяньняў дывэрсійнай групы. «Гэта працяг гібрыднай вайны супраць нашай краіны», — заявіў на брыфінгу ў Кіеве міністар абароны Ўкраіны Сьцяпан Палтарак. Паводле яго слоў, адна з вэрсій пажару — «дывэрсія, у тым ліку, і шляхам скіданьня выбуховага прыстасаваньня зь бесьпілётніка». Мінабароны прыняло рашэньне аб узмацненьні аховы ўсіх вайсковых арсэналаў.
Лякалізаваць пажар да гэтага часу не ўдаецца. Цяпер гарыць траціна тэрыторыі базы, чутныя выбухі снарадаў, і аскепкі разьлятаюцца ў радыюсе аднаго-двух кілямэтраў. Як паведаміў Сьцяпан Палтарак, ахвяраў сярод вайскоўцаў і грамадзянскага насельніцтва на дадзены момант няма.
Арсэнал у Балаклеі — найбуйнейшы склад ўзбраеньня на тэрыторыі Ўкраіны. Яго плошча складае каля 368 гектараў. Там захоўваюць каля 138 тысяч тон боепрыпасаў і патронаў для стралковай і артылерыйскага зброі. Самыя небясьпечныя — снарады для самаходнай арты
