Лінкі ўнівэрсальнага доступу

Лябедзька: Рашэньне пра адмену санкцыі больш кансэрвуе, чым мяняе сытуацыю


Анатоль Лябедзька

Анатоль Лябедзька

Cтаршыня Аб’яднанай грамадзянскай партыі Анатоль Лябедзька сказаў, што спакойна ставіцца да рашэньня Эўразьвязу, які скасаваў большасьць санкцыяў супраць афіцыйнага Менску.

«Гэта рашэньне чыноўнікаў і палітыкаў ЭЗ, таму і адказнасьць за гэтае рашэньне нясуць яны. Я думаю, чым гэта рашэньне можа дапамагчы беларусам? Бо многія стаялі з галавой, павернутай на Захад, і чакалі больш дзейснай дапамогі і салідарнасьці. А сёньня сытуацыя разгортваецца так, што адказнасьць за тое, што адбываецца ў Беларусі, мусяць у першую чаргу несьці яе грамадзяне. Гэта такі выклік для прыхільнікаў пераменаў. І мажліва, гэта паспрыяе большай кансалідацыі ўнутры самой краіны. Гэта тое, што я называю пазытыўным бокам гэтага рашэньня.

Але толькі час адкажа, наколькі гэта было прадумана і эфэктыўна. Я думаю, што гэтае рашэньне больш кансэрвуе, чым мяняе сытуацыю. Яно больш дэматывуе ўлады нешта рабіць, чым падштурхоўвае іх да пераменаў. Разам з тым, нам трэба не перажоўваць гэтае рашэньне, а працаваць унутры краіны, тым больш, што нейкія маленькія мажлівасьці ўсё ж застаюцца».

Паказаць камэнтары

XS
SM
MD
LG