Лінкі ўнівэрсальнага доступу

Андрэй Бандарэнка просіць падтрымкі з волі


Андрэй Бандарэнка, фота з суду, 29 ліпеня 2014 году
Андрэй Бандарэнка, фота з суду, 29 ліпеня 2014 году

Былы кіраўнік праваабарончай арганізацыі «Плятформа» Андрэй Бандарэнка просіць праваабаронцаў і грамадзкіх актывістаў падтрымаць ягонае змаганьне за свае правы ў супрацьстаяньні з адміністрацыяй турмы.

Пра гэта Свабодзе паведаміў бацька зьняволенага Валер Бандарэнка:

Валер Бандарэнка
Валер Бандарэнка

«Заканчваецца тэрмін, падчас якога Андрэй застаецца зьняволеным у турэмнай камэры-адзіночцы. У свой час ён сам напісаў заяву пра ізаляваньне яго ад іншых вязьняў, каб пазьбегнуць правакацыяў і зьдзекаў. 6 кастрычніка гэты тэрмін заканчваецца, і Андрэй мае быць пераведзены на агульны рэжым.

Праз свайго адваката ён паведаміў, што больш ня будзе пісаць заяваў аб зьмяшчэньні яго ў камэру-адзіночку, бо прыйшоў да высновы і перакананы, што ўсе правакацыі супраць яго чыніць адміністрацыя турмы рукамі кіраваных зьняволеных. Таму ён вырашыў пакінуць намаганьні пазьбягаць правакацыяў, а хоча супрацьстаяць ім.

Таму Андрэй просіць праваабаронцаў і грамадзкасьць падтрымаць ягоныя высілкі ў змаганьні за свае правы і выказаць яму сваю салідарнасьць».

З гэтым зваротам ад імя сына Валер Бандарэнка выступіў на круглым стале, які праводзіў «Камітэт салідарнасьці з Жамчужным і Бандарэнкам».

Адна з арганізатарак акцыі салідарнасьці Ганна Шапуцька сказала, што цяпер праваабаронцы і грамадзкія актывісты вырашаюць, якая форма падтрымкі для Андрэя Бандарэнкі будзе найбольш прыдатнаю.

Яна дадала, што, спасылаючыся на эўрапейскія нормы, праваабаронцы і юрысты прызналі Андрэя Бандарэнку і Міхаіла Жамчужнага палітвязьнямі. Рыхтуецца адпаведны зварот у эўрапейскія праваабарончыя арганізацыі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG