Лінкі ўнівэрсальнага доступу

Ужо сёньня: 125 гадоў таму нарадзіўся Браніслаў Тарашкевіч


Браніслаў Тарашкевіч
Браніслаў Тарашкевіч

Дата дня

20 студзеня 1892 году нарадзіўся Браніслаў Тарашкевіч, беларускі мовазнаўца, палітычны дзяяч. У 1937 годзе Тарашкевіч быў арыштаваны паводле абвінавачаньня ў справе так званага «Беларускага нацыянальнага цэнтру». У 1938 годзе яго прыгаварылі да расстрэлу. Паводле афіцыйнай вэрсіі, ён быў расстраляны. Дасьледчык Леанід Маракоў выказваў меркаваньне, што Браніслаў Тарашкевіч загінуў падчас катаваньняў, якія доўжыліся дзевяць месяцаў.

Таксама ў гэты дзень

1919 — адкрыты Беларускі абласны музэй (з 1923 году — Беларускі дзяржаўны музэй)

1960 — была скасаваная Маладэчанская вобласьць і ўсталяваны той падзел на вобласьці, што існуе да сёньня.

1990 — савецкія войскі штурмавалі сталіцу Азэрбайджану Баку (Чорны студзень). У выніку дзеяньняў савецкай арміі загінула больш за 200 чалавек.

Як савецкія войскі штурмавалі Баку

2001 — адбылася інаўгурацыя прэзыдэнта ЗША Джорджа Ўокера Буша.

2009 — адбылася інаўгурацыя прэзыдэнта ЗША Барака Абамы.

У гэты дзень нарадзіліся

1886 — Фабіян Акінчыц, беларускі палітычны дзяяч, юрыст і выдавец.

1892 — Рыгор Шырма, кіраўнік Беларускай акадэмічнай харавой капэлы і зьбіральнік беларускай народнай песьні.

Магіла Рыгора Шырмы на Ўсходніх могілках у Менску
Магіла Рыгора Шырмы на Ўсходніх могілках у Менску

1907 — Iван Лушчыцкi, беларускі філёзаф.

1913 — Ларыса Алексютовіч, беларуская танцорка і балетмайстар.

1920 — Фэдэрыка Фэліні, італьянскі сцэнарыст і рэжысэр.

1961 — Сяргей Тарасаў, беларускі археоляг.

У памяці

1922 — памёр Еўдакім Раманаў, беларускі археоляг і этнограф.

2005 — памёр Ян Новак-Езяранскі, польскі журналіст і палітычны актывіст, стваральнік польскай службы Радыё Свабода.

Афіша. Прэзэнтацыя кнігі «Айчына. Маляўнічая гісторыя»

Пісьменьнік Уладзімер Арлоў і мастак Павал Татарнікаў правядуць чацьвертую аўтограф-сэсію з нагоды прэзэнтацыі новай кнігі. У імпрэзе возьме ўдзел фундатар выданьня Павал Бераговіч.

Менск, ГЦ «Цівалі» (вул. Прытыцкага, 29, аўдыторыя 366).
Час правядзеньня: з 17 да 20-й гадзіны.
Уваход вольны. Кніга каштуе 45 рублёў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG