Лінкі ўнівэрсальнага доступу

Крэмль пачаў гульню супраць Лукашэнкі, — Бясьсьмертны


Раман Бясьсьмертны, былы амбасадар Украіны ў Беларусі
Раман Бясьсьмертны, былы амбасадар Украіны ў Беларусі

Расейскія спэцслужбы пачалі ў Беларусі дэзынтэграцыйныя працэсы, накіраваныя супраць Лукашэнкі, лічыць былы амбасадар Украіны ў Менску.

З такой заявай у эфіры ўкраінскага «5 канала» выступіў былы амбасадар Украіны ў Менску Раман Бясьсьмертны:

«Унутры самой Беларусі пачаліся вельмі сур’ёзныя дэзынтэграцыйныя працэсы, прычым яны ў большай ступені накіраваныя супраць самога Лукашэнкі, — сказаў дыплямат. — Лёс Беларусі, як і лёс Лукашэнкі, знаходзіцца ў руках Крамля. Відавочна, наступіў момант, калі яе кінуць у „гульню“, каб тарпэдаваць балтыйскія краіны».

Агенцтва БелаПАН зьвяртае ўвагу ў сувязі з заявай былога амбасадара, што некаторы час таму на расейскіх нацыяналістычных сайтах пачала раскручвацца тэма перадачы ў 1920-я гады ў склад Беларускай ССР шэрагу тэрыторыяў, падчас так званага ўзбуйненьня БССР.

У сакавіку мінулага году Расея анэксавала паўвостраў Крым, які ў 1954 годзе быў перададзены Украінскай ССР. Прэзыдэнт Расеі Ўладзімер Пуцін прызнаў, што для гэтай апэрацыі выкарыстоўваліся расейскія войскі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG