Лінкі ўнівэрсальнага доступу

Дональд Трамп падпісаў указ пра аслабленьне Obamacare


Дональд Трамп
Дональд Трамп

Прэзыдэнт ЗША Дональд Трамп празь некалькі гадзін пасьля інаўгурацыі падпісаў указ пра адмену некаторых палажэньняў так званай Obamacare — рэформы аховы здароўя, праведзенай папярэднім кіраўніком Белага дому Баракам Абамам. Ён даручыў фэдэральным ведамствам ігнараваць палажэньні Obamacare, датычныя падатковых патрабаваньняў і штрафаў.

Прынятая Абамам у 2010 годзе рэформа мэдыцынскага страхаваньня дае субсыдыі маламаёмным на мэдычную дапамогу. Большасьць уладальнікаў новай страхоўкі атрымліваюць датацыі ад дзяржавы. Крытыкі рэформы называюць яе занадта дарагой: празь яе падаткі для некаторых катэгорый грамадзян былі значна павышаны.

У перадвыбарнай кампаніі Трамп выступаў супраць Obamacare і неаднаразова абяцаў адмяніць рэформу. Ініцыятыву Абамы таксама крытыкавала рэспубліканская большасьць у Кангрэсе. 11 студзеня 2017 году Сэнат ЗША прагаласаваў за адмену рэформы.

Інаўгурацыя Дональда Трампа прайшла 20 студзеня. У прамове Трамп назваў інтарэсы Амэрыкі сваім галоўным прыярытэтам і паабяцаў вярнуць амэрыканцам працоўныя месцы і ўмацаваць межы. Адначасова ў Вашынгтоне праходзілі акцыі пратэсту.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG