Паніхіда ў Сьвята-Петрапаўлаўскім саборы завершаная. Разьвітаньне зь Нілам Гілевічам працягнецца на Кальварыйскіх могілках, дзе яго пахаваюць.
Сьвятар Георгі Латушка і акадэмік Радзім Гапэцкі #гілевіч https://t.co/KaUvRuHaXE
— Радыё Свабода (@svaboda) 1.4.2016
Мітрапаліт Менскі і Заслаўскі Павал, а таксама Філярэт выказа. спачуваньні з нагоды сьмерці Гілевіча #гілевіч
— Радыё Свабода (@svaboda) 1.4.2016
справа - Віктар Казько #гілевіч https://t.co/4LRMOJmwZm
— Радыё Свабода (@svaboda) 1.4.2016
Труна ўсталявана ў Сьвята-Петрапаўлаўскім саборы. Шмат людзей прыходзіць зь бел-чырвона-белымі кветкамі.
З афіцыйных асоб на развітаньні быў заўважаны міністар культуры Барыс Сьвятлоў, які прыйшоў з букетам чырвоных ружаў, і амбасадар Літвы Эвалдас Ігнатавічус. На развітаньне прыходзяць шмат літаратараў, а таксама простых людзей.
«Гэты чалавек усё сваё жыцьцё прысьвяціў змаганью за беларускую мову, за беларускую дзяржаву» — заявіў у інтэрвію Свабодзе былы мінстар замежных спраў Беларусі Пятро Краўчанка, які прыйшоў на пахаваньне Ніла Гілевіча.
На разівітаньне прыйшоў амбасадар Літвы Эвалдас Ігнатавічус #Гілевіч
— Радыё Свабода (@svaboda) 1.4.2016
Народны паэт Беларусі Ніл Гілевіч памёр 29 сакавіка ў Менску на 85-м годзе жыцьця.
Ніл Гілевіч — сябра Саюзу пісьменьнікаў з 1954 году. Скончыў філялягічны факультэт БДУ (1956), кандыдат філялягічных навук, прафэсар катэдры беларускай літаратуры філфаку БДУ. У 1980-89 — першы сакратар Саюзу пісьменьнікаў Беларусі.
Ляўрэат дзяржаўнай прэміі БССР імя Янкі Купалы (1980), народны паэт Беларусі (1991).
Ніл Гілевіч з 60-х гадоў актыўна выступаў за беларусізацыю, у якасьці дэпутата Вярхоўнага Савету XI скліканьня быў адным з ініцыятараў прыняцьця Закону аб мовах.
У Вярхоўным Савеце XII скліканьня ўзначальваў Камісію па адукацыі, культуры і захаваньні гістарычнай спадчыны.
У 1989−1997 старшыня Таварыства беларускай мовы імя Францішка Скарыны.
Адзін з сустрашыняў Усебеларускага Зьезду за Незалежнасьць (ліпень 2000 году).
У канцы 2013 году выйшаў апошні 23-ці том ягонага Збору твораў.