Лінкі ўнівэрсальнага доступу

Расіянку Марыю Рымар пакінулі пад арыштам, нягледзячы на хадайніцтва Сьледчага камітэту


Марыя Рымар

Марыя Рымар

13 ліпеня транспартная пракуратура адхіліла хадайніцтва Сьледчага камітэту аб вызваленьні пад заклад ЛГБТ-актывісткі з Самары Марыі Рымар.

Паводле праваабарончага цэнтру «Вясна», учора Марыю Рымар перавялі ў менскае СІЗА № 1 на вуліцы Валадарскага. Яна застаецца пад арыштам.

Актывістка з Самары Аксана Беразоўская напісала ў Фэйсбуку:

«Адвакат паведаміў, што справа Марыі знаходзіцца ў пракуратуры, аднак пракуратура да гэтага часу не прадʼявіла Машы абвінавачаньне. Сама Маша знаходзіцца ў СІЗА».

Марыю Рымар затрымалі 7 ліпеня ў Нацыянальным аэрапорце «Менск» падчас рэгістрацыі на рэйс Менск — Масква. Паводле адваката, ёй не спадабаўся асабісты надгляд, і ў спрэчцы з супрацоўнікамі аэрапорту яна пажартавала, што ў яе сумцы тратыл. На гэтай падставе актывістку затрымалі, абвінавацілі ў «заведама ілжывым паведамленьні пра небясьпеку» і распачалі супраць яе крымінальную справу.

Паказаць камэнтары

XS
SM
MD
LG