Лінкі ўнівэрсальнага доступу

ЗША: Расея позна заявіла пра паўзу ў бамбаваньні Алепа


Алепа. архіўнае фота

Алепа. архіўнае фота

Злучаныя Штаты заяўляюць, што Расея «занадта позна» вырашыла прыпыніць бамбаваньне сырыйскага гораду Алепа. Пра гэта сказаў прадстаўнік Дзярждэпартамэнту ЗША Марк Тонэр.

Раней расейскі генэрал-лейтэнант Сяргей Рудской паведаміў, што расейскія і сырыйскія вайскоўцы 20 кастрычніка на 8:00 спыняць наступ, каб цывільнае насельніцтва і баевікі змаглі бясьпечна выйсьці з гораду.

У Дзярждэпартамэнце сказалі, што прыпыненьне баявых дзеяньняў «было б добрым рашэньнем», але гэтага «занадта мала, занадта позна». Па словах прадстаўніка зьнешнепалітычнага ведамства ЗША, мэта расейскіх і сырыйскіх войскаў заключаецца ў тым, каб «зморам выцесьніць апазыцыю і цывільных, якія ўжо знаходзяцца там так доўга».

Сырыйскія апазіцыйныя актывісты заявілі, што ў выніку авіяўдараў ў Алепа і побач з горадам 17 кастрычніка загінулі сама меней 36 чалавек.

Супрацоўнікі гуманітарных арганізацый ААН прасілі пра штотыднёвае 48-гадзіннае спыненьне агню, каб зрабіць магчымай дапамогу жыхарам акружаных ўсходніх раёнаў гораду. Аднак расейскія і сырыйскія сілы толькі ўзмацнілі наступ на кантраляваныя паўстанцамі раёны.

XS
SM
MD
LG