Лінкі ўнівэрсальнага доступу

logo-print

Гран-пры «Прэс-фота 2015» атрымаў Максім Сарычаў за сэрыю пра арыштаваных падчас Чэмпіянату сьвету па хакеі


Сёньня ў Галерэі TUT.BY абвешчаныя вынікі конкурсу «Прэс-фота Беларусі».

Гран-пры конкурсу атрымаў Максім Сарычаў за сэрыю «598 скрадзеных дзён» — пра арыштаваных падчас чэмпіянату сьвету па хакеі ў Беларусі.

Пераможцы ў намінацыях:

Навіны (News) — Сяргей Балай

Спорт (Sports) — Уладзь Грыдзін і Дзяніс Дзюба

Штодзённае жыцьцё (Daily Life) — Настасься Храловіч

Партрэт — Уладзімер Грыдзін і Максім Сарычаў

Мастацтва і забавы (Arts and Entertainment) — Уладзімер Грыдзін і Алег Ігнатовіч

Прырода (Nature) — Міхаіл Капычко і Ганна Іванова

Традыцыі (Traditions) — Дзяніс Дзюба і Сяргей Балай

Украіна (Ukraine) — Сяргей Гапон і Артурас Марозавас (Літва)

Ганаровы дыплём ад БАЖ «За ўнёсак у разьвіцьцё беларускай журналістыкі» Жана Літвіна ўручыла Вадзіму Заміроўскаму.

Пераможцаў у намінацыях і ўладальніка Гран-пры аўтарытэтнае міжнароднае журы выбрала з 137 аўтараў, чые заяўкі былі дапушчаныя да ўдзелу ў конкурсе.

Больш за 2000 працаў прэтэндавалі на перамогу ў сэрыях і адзіночных здымках.

Склад журы:

Васіль Фядосенка — фатограф, Reuters, Беларусь

Мартэн Кутс (Maarten Koets) — намесьнік кіраўніка дырэктара конкурсу World Press Photo, Нідэрлянды

Ёнас Стаселіс (Jonas Staselis) — прэзыдэнт Клюбу прэс-фатографаў Літвы, старшыня Саюза фотамастакоў Літвы

Пол Хансэн (Paul Hansen) — фатограф газэты Dagens Nyheter, пераможца World Press Photo 2013, Швэцыя

Дональд Вэбер (Donald Weber) — фатограф, VII Photo Agency, Канада

Аляксандар Землянічанка (Расея) — фотажурналіст, шэф маскоўскага бюро Associated Press, ляўрэат The Pulitzer Prize

Рафал Мілах (Rafal Milach) — фатограф, Sputnik Photos, Польшча

«Прэс-фота Беларусі» арганізаваны ў 2009 годзе беларускімі фотарэпартэрамі пры падтрымцы фотапарталу ZНЯТА.

За чатыры гады конкурс ператварыўся ў адну з самых знакавых падзей у галіне мэдыя. Вынікі конкурсу выклікаюць бурныя дыскусіі, а выстава пераможцаў экспануецца ня толькі ў Беларусі, але і за яе межамі.

XS
SM
MD
LG