Лінкі ўнівэрсальнага доступу

logo-print

Правацэнтрысты заклікаюць на вялікі пікет 10 верасьня


Адзін зь пікетаў правацэнтрысцкай кааліцыі

Адзін зь пікетаў правацэнтрысцкай кааліцыі

10 верасьня каля гатэлю «Менск» пройдзе вялікі правацэнтрысцкі пікет «За сумленныя выбары супраць фальсыфікацыяў».

Пра гэта паведаміла прэс-сакратар Аб’яднанай грамадзянскай партыі Ганна Красуліна.

У акцыі возьмуць удзел кандыдаты ад Аб’яднанай грамадзянскай партыі, руху «За свабоду» і Беларускай хрысьціянскай дэмакратыі.

Арганізатары запрашаюць усіх неабыякавых грамадзянаў «выказаць сваё стаўленьне да выбарчай кампаніі, якая завяршаецца, на афіцыйна дазволеным пікеце».

Раней лідэр БСДП («Народная грамада») Мікалай Статкевіч, кандыдат у прэзыдэнты на выбарах 2010 году, заклікаў выйсьці на Кастрычніцкую плошчу ў Менску 12 верасьня на несанкцыянаваную акцыю «Патрабуем сапраўдных выбараў».

Паказаць камэнтары

XS
SM
MD
LG