Лінкі ўнівэрсальнага доступу

Пяскоў адказаў Райкіну і заклікаў ня блытаць цэнзуру зь дзяржаўным заказам


Прэзыдэнт Расеі Ўладзімір Пуцін віншуе Канстанціна Райкіна з 50-годзьдзем 9 ліпеня 2000
Прэзыдэнт Расеі Ўладзімір Пуцін віншуе Канстанціна Райкіна з 50-годзьдзем 9 ліпеня 2000

Такім чынам Крэмль адрэагаваў на словы мастацкага кіраўніка «Сатырыкону» аб недапушчальнасьці цэнзуры ў тэатры.

Прэсавы сакратар прэзыдэнта Дзьмітры Пяскоў назваў цэнзуру ў мастацтве недапушчальнай, але пры гэтым заклікаў ня блытаць яе з удзелам дзяржавы ў культурным жыцьці краіны.

«...Цэнзура недапушчальная. Неаднаразова гэтая тэма абмяркоўвалася на сустрэчах прэзыдэнта з прадстаўнікамі тэатральнай, кінэматаграфічнай грамадзкасьці. Але пры гэтым трэба дакладна дыфэрэнцыраваць тыя пастаноўкі і творы, якія ставяцца або здымаюцца на дзяржаўныя грошы ці з прыцягненьнем нейкіх іншых крыніц фінансаваньня», — заявіў Пяскоў.

Такім чынам ён пракамэнтаваў словы мастацкага кіраўніка тэатру «Сатырыкон» Канстанціна Райкіна, які 24 кастрычніка на зьезьдзе Саюзу тэатральных дзеячоў Расеі заявіў пра ўзмацненьне цэнзуры і ціск з боку грамадзкіх арганізацый пры маўклівым ухваленьні ўладаў.

Словы Райкіна пракамэнтаваў і прэзыдэнт мотаклюбу «Начныя ваўкі» Аляксандр «Хірург» Залдастанаў:

«Д’ябал заўсёды спакушае свабодай! А пад выглядам свабоды гэтыя райкіны хочуць ператварыць краіну ў сьцёкавую канаву, па якой плыў бы бруд. Бязьдзейнічаць мы ня будзем, і я зраблю ўсё, каб абараніць нас ад амэрыканскай дэмакратыі. Нягледзячы на ўсе рэпрэсіі, якія яны распаўсюджваюць па ўсім сьвеце!»

24 кастрычніка ў сваім выступе на сёмым зьезьдзе Саюзу тэатральных дзеячаў Расеі Канстанцін Райкін сказаў, што яго трывожаць «наезды», якія пачаліся апошнім часам, на мастацтва і тэатар, у прыватнасьці.

«Словамі пра маральнасьць, Радзіму і народ, і патрыятызм прыкрываюцца, як правіла, вельмі нізкія мэты. Ня веру я гэтым групам абураных і пакрыўджаных людзей, у якіх, бачыце, рэлігійныя пачуцьці абражаныя. Ня веру! Веру, што яны прыплачаныя. Так што — гэта групкі брыдкіх людзей, якія змагаюцца незаконнымі мярзотнымі шляхамі за маральнасьць», — заявіў Райкін.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG