Прысуд украінскай лётчыцы Надзеі Саўчанцы, якую ў Расеі трымаюць за кратамі ад ліпеня 2014 году і абвінавачваюць у спрыяньні забойству двух расейскіх журналістаў, мае быць абвешчаны 21-22 сакавіка.
Беларускія актывісты зьбіраюцца чакаць прысуду Саўчанцы пад расейскай амбасадай, дзе ўжо праводзілі акцыі ў падтрымку лётчыцы 7 сакавіка і 9 сакавіка. Акцыі абышліся без затрыманьняў, але не без правакацыяў і пратаколаў за несанкцыянаваны пікет.
