Лінкі ўнівэрсальнага доступу

Паўла Севярынца таксама аштрафавалі на 10,5 мільёна


Павал Севярынец на мітынгу прадпрымальнікаў 22 лютага

Павал Севярынец на мітынгу прадпрымальнікаў 22 лютага

Суд Цэнтральнага раёну Менску аштрафаваў сустаршыню БХД Паўла Севярынца на 50 базавых велічыняў (10,5 мільёна рублёў) за ўдзел у прадпрымальніцкай акцыі на Кастрычніцкай плошчы 22 лютага.

«Ёсьць толькі два словы, якія апісваюць гэты судовы канвэер, — кажа Павал Севярынец, — гэта беззаконьне і абсурд. Пратаколы афармляюць завочна, суд прысылае эсэмэску і лупіць шалёныя грошы за тое, што людзі мірна, у адпаведнасьці з Канстытуцыяй выходзяць выявіць салідарнасьць з абрабаванымі прадпрымальнікамі. Ну няхай штраф мне як выступоўцу — але за што штрафуюць тых, хто проста прыйшоў пастаяць? А тых, хто ўвогуле ня быў на плошчы — іх за што?!», — сказаў Севярынец у камэнтары прэс-службе БХД.

22 лютага сотні прадпрымальнікаў пратэставалі на Кастрычніцкай плошчы ў Менску, абараняючы свае правы. Павал Севярынец стаў адным са стваральнікаў Камітэту выратаваньня прадпрымальніцтва.

Паказаць камэнтары

XS
SM
MD
LG