Лінкі ўнівэрсальнага доступу

Дэбаты Клінтан і Трампа пабілі рэкорд колькасьці гледачоў


Дональд Трамп і Гілары Клінтан
Дональд Трамп і Гілары Клінтан

Дэбаты кандыдатаў у прэзыдэнты ЗША Гілары Клінтан і Дональда Трампа на амэрыканскім тэлебачаньні паглядзелі рэкордныя 84 млн чалавек, паведамляе BBC.

Папярэдні рэкорд быў усталяваны 36 гадоў таму. Прэзыдэнцкія дэбаты Джымі Картэра і Рональда Рэйгана ў 1980 годзе прыцягнулі да экрана 80,6 млн гледачоў.

У статыстыцы былі ўлічаныя толькі тыя, хто глядзеў дэбаты на адным з 13 амэрыканскіх тэлеканалаў у простым эфіры. Такім чынам, рэальная колькасьць гледачоў можа быць значна большай.

Акрамя таго, мільёны людзей ва ўсім сьвеце глядзелі выступ Клінтан і Трампа праз інтэрнэт або ў барах і на вечарынах. Сацыялягічная кампанія Nielsen паведаміла, што людзі ў асноўным не пераключалі каналы падчас 98-хвілінных дэбатаў.

У аўторак Трамп сказаў прыхільнікам, што чакаў падобнай увагі да дэбатаў.

Клінтан і Трампа чакаюць яшчэ два раўнды дэбатаў — 9 і 19 кастрычніка. Прэзыдэнцкія выбары ў ЗША пройдуць 8 лістапада.

У ходзе першых дэбатаў у Нью-Ёрку кандыдаты абмяркоўвалі шырокі спэктар тэмаў — ад расавай упярэджанасьці паліцыянтаў і зьмены падатковай сыстэмы да кібэратакі на амэрыканскія ўстановы, вайны з экстрэмістамі, асабістых якасьцяў кандыдатаў і іх стаўленьня да меншасьцяў і жанчын.

Абое згадвалі скандальныя эпізоды біяграфіяў суперніка. Так, Гілары Клінтан абвінаваціла Дональда Трампа ў тым, што ён не зрабіў здабыткам публікі свае падатковыя дэклярацыі, на што Трамп паабяцаў зрабіць гэта, калі Клінтан апублікуе ўсё сваё электроннае ліставаньне таго часу, калі яна ўзначальвала Дзяржаўны дэпартамэнт ЗША.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG