Лінкі ўнівэрсальнага доступу

На Ніну Багінскую завочна склалі пратакол за лёзунгі, якіх яна не выгуквала


Ніна Багінская стаіць са сьцягам на мітынгу прадпрымальнікаў
Ніна Багінская стаіць са сьцягам на мітынгу прадпрымальнікаў

Грамадзкая актывістка, пэнсіянэрка Ніна Багінская атрымала копію пратакола па выніках мітынгу індывідуальных прадпрымальнікаў, які адбыўся на Кастрычніцкай плошчы Менску 22 лютага.

Дакумэнт быў дасланы паштовым лістом, і ў ім паведамляецца, што актывістка «ўдзельнічала ў мітынгу», бо «выгуквала лёзунгі», у тым ліку «Жыве Беларусь».

У сапраўднасьці, Ніна Багінская прыйшла на плошчу падтрымаць дробных гандляроў не выгукваньнем лёзунгаў, а зь бел-чырвона-белым сьцягам у руках. Падчас акцыі супрацоўнікі міліцыі да яе не падыходзілі, а тым больш не складалі адміністрацыйны пратакол. Гэткім чынам, абвінавачаньне паводле адміністрацыйнага пратаколу аб удзеле ў несанкцыянаванай вулічнай акцыі Ніне Багінскай было выстаўлена завочна, а пратакол складзены безь яе пашпартных зьвестак. Адначасна, пра суд у справе прызначанага адміністрацыйнага правапарушэньня ў дасланым пратаколе ці іншых дакумэнтах не паведамляецца.

Гэтаксама копіі пратаколаў за ўдзел у несанкцыянаванай вулічнай акцыі атрымалі і палітычныя актывісты Павал Севярынец і Леанід Кулакоў, якія таксама прымалі ўдзел у мітынгу і шэсьці прадпрымальнікаў ў Менску 28 лютага.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG