Пераможцы прэміі ў кожнай з намінацыяў атрымаюць чэк на 2000 даляраў. Прэмія будзе выдавацца сёмы раз.
У сёлетні шорт-ліст увайшлі наступныя кнігі і аўтары:
Паэзія
- Аляксей Арцёмаў. Скрозь кілямэтры.
- Міхал Бараноўскі. Volumen 1.
- Ганна Комар. Страх вышыні.
Проза
- Андрэй Дзічэнка. Сонечны чалавек.
- Андрусь Горват. Радзіва «Прудок». Дзёньнік.
- Уладзімер Садоўскі. 1813.
Пераклад
- Адэля Дубавец (пер. з польскай): Вітальд Шаблоўскі. Танец мядзьведзяў.
- Надзея Кім (пер. з ангельскай): Клайв Стэйплз Льюіс. Хронікі Нарніі: Пляменьнік чараўніка.
- Сюзанна Паўкштэла (пер. зь літоўскай): Альвідас Шляпікас. Бог дажджу.
У журы прэміі ўвайшлі: Павал Бераговіч, Анатоль Івашчанка, Віктар Казько, Наста Кудасава, Тацяна Нядбай, Міхась Скобла, Ціхан Чарнякевіч.
Прэмія «Дэбют» імя Максіма Багдановіча была заснаваная ў 2010 годзе Беларускім ПЭН-цэнтрам, дабрачынным фондам «Вяртаньне» і Саюзам беларускіх пісьменьнікаў.
Сярод ранейшых пераможцаў прэміі — Віталь Рыжкоў, Наталка Харытанюк, Антон Францішак Брыль, Віктар Марціновіч, Андрэй Адамовіч, Юлія Шарова, Ганна Янкута, Уладзь Лянкевіч, Кацярына Оаро, Кацярына Маціеўская, Аляксей Палачанскі, Тацяна Нядбай, Анатоль Івашчанка, Сьвятлана Рогач і інш.
