Лінкі ўнівэрсальнага доступу

На мосьце ў Магілёве перад прыездам Лукашэнкі паставілі беларускамоўныя шыльды


Від на горад з моста
Від на горад з моста

У Магілёве на мосьце цераз Дняпро зьявілася беларуская мова. А выставу ў падземным пераходзе ахоўвае міліцыянт.

Пра дату прыезду Аляксандра Лукашэнкі ў Магілёў пакуль невядома, але рыхтуюцца да гэтай падзеі ўжо даўно. У прыватнасьці, адрэстаўравалі мост цераз Дняпро.

Беларускамоўныя шыльды інфармуюць пра рэканструкцыю транспартнай разьвязкі ўключна з самім мостам. Там пазначана, што працы вяліся ў 2015–2016 гадах.

Шыльды зь беларускай мовай
Шыльды зь беларускай мовай

Раней да скульптураў львоў былі прымацаваныя таблічкі з імёнамі тых, хто спрычыніўся да праекту. Першым стаяла імя старшыні Магілёўскага гарвыканкаму Ўладзімера Цумарава — як аўтара ідэі. Неўзабаве надпісы пазаціралі.

Падземны пераход зрабілі, рэканструюючы транспартную разьвязку. У ім разьмясьцілі выставу пра гісторыю і сучаснасьць абласнога цэнтру. Подпісы да выяваў расейскамоўныя.

Яшынская шыльда
Яшынская шыльда

На мост вярнулі і шыльду пра героя Айчыннай вайны Мікалая Яшына. Ягоным імем названы мост.

Падчас рэканструкцыі савецкую атрыбутыку на парэнчах замянілі гербам Магілёва і барэльефамі з ільвінымі галовамі, а з абодвух канцоў паставілі скульптуры — львоў на тумбах.

У апошні свой візыт у Магілёў Аляксандар Лукашэнка застаўся незадаволены тым, як выглядае горад. На ягоную думку, абласному цэнтру не хапае «лоску» і «гармоніі».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG