Лінкі ўнівэрсальнага доступу

У Берасьці затрыманы Дзьмітры Алімкін, аўтар артыкула пра «зварʼяцелую недадзяржаву»


Ілюстрацыйнае фота
Ілюстрацыйнае фота

У Берасьці затрыманы 45-гадовы Дзьмітры Алімкін, выпускнік Акадэміі кіраваньня пры прэзыдэнце.

Як паведаміла «Нашай Ніве» жонка Алімкіна, яго затрымалі супрацоўнікі АМАП раніцай 6 сьнежня ў Берасьці. У кватэры быў ператрус.

Алімкіну інкрымінуюць злачынства паводле крымінальнага артыкула «Распальваньне расавай, нацыянальнай або рэлігійнай варажнечы або розьні». Алімкін знаходзіцца ў адным зь СІЗА Менску.

Дзьмітры Алімкін — аўтар сайта «Рэгнум», вядомы пад псэўданімам «Ала Бронь».

Пад гэтым імем выйшаў артыкул, дзе Беларусь называлася «зварʼяцелай недадзяржавай», а беларускі акцэнт — «прыкметай нізкага паходжаньня».

Алімкін шмат гадоў працаваў у «Белдзяржстраху». Апошнім часам быў вартаўніком у школе і пісаў артыкулы на расейскія сайты. Зьмест тэкстаў каардынаваў з рэдактарам сайта «Імпэрыя» і шэф-рэдактарам «Рэгнума» Юрыем Баранчыкам.

7 сьнежня стала вядома пра затрыманьне яшчэ аднаго аўтара расейскіх сайтаў, прыхільніка «русского мира», выкладчыка БДУІР Юрыя Паўлаўца.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG