Будаўнікам перашкаджае надвор’е. Праз сырасьць выкарыстоўваюць «цеплавыя гарматы».
Будаўнікі сумняюцца, ці пасьпеюць да 7 лістапада.
Кіраўніцтва Менскага трактарнага заводу вырашыла пераставіць помнік Леніну, які раней стаяў у заводзкім двары.
З просьбай паставіць помнік за тэрыторыяй заводу зьвярнуліся да кіраўніцтва МТЗ «вэтэраны і камуністы».
Пра гэта сказаў намесьнік генэральнага дырэктара МТЗ па ідэалёгіі, кадрах і сацыяльным разьвіцьці Андрэй Сусьленка.
«Нам казалі, што неўзабаве сьвята, але няма куды кветкі адносіць. Пасьля абмеркаваньня мы вырашылі паставіць помнік на першапачатковым месцы. Цяпер любы грамадзянін можа яго ўбачыць, а ня толькі рабочыя».
Плянуецца, што помнік Леніну каля МТЗ будзе адкрыты 7 лістапада падчас сьвята, арганізаванага заводам.
