Каля 17-й гадзіны ў Менску на Зьмітра Дашкевіча і Сяргея Пальчэўскага склалі пратаколы за ўдзел у несанкцыянаваным мерапрыемстве.
Актывісты ўжо чацьвёрты дзень зьбіраюць подпісы ў пераходзе мэтро Кастрычніцкая за ўнясеньне бел-чырвона-белага сьцяга ў сьпіс гісторыка-культурных каштоўнасьцяў.
Актывісты не выключаюць, што гэта зьвязана з тым, што яны вывесілі ў пераходзе бел-чырвона-белы сьцяг.
Дашкевіч сказаў, што кожную гадзіну падпісваецца каля 30 чалавек. Дагэтуль прэтэнзіяў з боку супрацоўнікаў міліцыі да зьбіральнікаў не было.
На Сяргея Пальчэўскага склалі пратакол, а Зьміцер Дашкевіч адмовіўся размаўляць зь міліцыянтамі, кажучы, што не разумее расейскай мовы.
Актывістаў здымалі таксама на відэакамэру супрацоўнікі ў цывільным.
Пазьней міліцыянты сышлі, а актывісты працягвалі зьбіраць подпісы.
