Лінкі ўнівэрсальнага доступу

Затрыманых удзельнікаў акцыі #беларускаястужка вызвалілі, а стужкі забралі «на праверку»


Каля трыццаці стужак зь беларускім арнамэнтам, якія актывісты раздавалі сёньня ў Менску, застануцца ў Савецкім РУУС.

Каля трыццаці стужак зь беларускім арнамэнтам, якія актывісты раздавалі сёньня ў Менску, застануцца ў Савецкім РУУС.

Прыкладна а 12-й гадзіне каля Камароўскага рынку, дзе знаходзіўся адзін з пунктаў раздачы стужак, супрацоўнікі міліцыі затрымалі удзельнікаў акцыі і журналістаў: дырэктара Арт Сядзібы Паўла Белавуса, Францішка Вячорку, фотажурналіста Уладзіміра Грыдзіна і валянтэрку Кацярыну Хвайніцкую. Затрыманых адвезьлі ў Савецкі РУУС нібыта для праверкі дакумэнтаў.

Міліцыянты патлумачылі затрыманьне скаргай ад кагосьці з грамадзянаў, на якую яны былі вымушаныя адрэагаваць.

У РУУС у затрыманых узялі тлумачэньні, а таксама абшукалі асабістыя рэчы. У Паўла Белавуса канфіскавалі 30 стужак, як патлумачылі супрацоўнікі міліцыі, «на праверку». Павал Белавус даў тлумачэньне, што акцыя мае прамацыйны характар і прымеркаваная да Дня вышыванкі, які адбудзецца 13 сьнежня ў Палацы мастацтва.

Фотажурналіста Ўладзя Грыдзіна адпусьцілі у 14:40. У РУУС ён правёў дзьве з паловай гадзіны.

У 15:20 вызвалі Францішка Вячорку, трошкі пазьней — астатніх.

Стужкі сёньня раздаюць у больш чым 30 пунктах Менску як на вуліцы, так і ў дзяржаўных установах, у тым ліку на факультэтах БДУ.

Паказаць камэнтары

XS
SM
MD
LG