Лінкі ўнівэрсальнага доступу

Ужо сёньня, 22 кастрычніка: BulbaMovie 2016


Падзеі дня ў Беларусі, сьвеце, гісторыі

Афіша

Менск — VI Фэстываль новага беларускага кіно BulbaMovie 2016. Малая зала арт-кінатэатру «Тытан», пр. Дзяржынскага 104 (м.«Пятроўшчына»), ТЦ «Тытан», 3 паверх. Пачатак а 12-ай.

Менск — Дзень Жывой бібліятэкі. Бар «ДК» (вул. Фабрыцыўса 4, мэтро Інстытут Культуры).

Віцебск — Вялікі супольны канцэрт-прэзэнтацыя новых альбомаў гуртоў AKUTE (Магілёў) і «Пятля Прыхільнасьці» (Менск). Канцэртная заля «Віцебск» (парк Фрунзэ), пачатак а 20-ай.

У гісторыі

1721 — Расея аб’яўленая імпэрыяй, Пётр І стаў імпэратарам.

1941 — створаная Беларуская народная самапомач — дабрачынная арганізацыя ў акупаванай немцамі Беларусі. БНС зьбірала ахвяраваньні, матэрыяльна дапамагала людзям, плянавала стварыць аўтаномны беларускі ўрад з сваім незалежным ад немцаў войскам.

1947 — Індыя і Пакістан пачалі вайну за Кашмір.

1962 — прэзыдэнт ЗША Джон Кэнэдзі заявіў, што СССР пабудаваў ракетную базу на Кубе, і ўвёў марскую блякаду востраву.

1975 — У Менску заснаваны піўзавод «Крыніца».

1988 — У Вільні пачаўся ўстаноўчы зьезд Літоўскага руху за перабудову («Саюдзіс»)

У гэты дзень нарадзіліся

1811 — Фэрэнц Ліст, вугорскі кампазытар і піяніст.

1844 — Сара Бэрнар, француская актрыса.

1870 — Іван Бунін, расейскі пісьменьнік, ляўрэат Нобэлеўскае прэміі па літаратуры. Старажытны род Буніных паходзіць ад Сымона Бунікоўскага, беларускага шляхціца, які ў XV стагодзьдзі трапіў у маскоўскі палон і застаўся ў Расеі. Там той род атрымаў мянушку Буніных. Сам Іван Бунін, аўтар твораў, што сталі сусьветнай клясыкаю — «Сухадол», «Антонаўкі», «Цёмныя прысады» ды аўтабіяграфічнага раману «Жыцьцё Арсеньнева», — памёр на эміграцыі ў 1953 годзе.

1919 — Раіса Жук-Грышкевіч, актыўная дзяячка беларускай эміграцыі.

1922 — Леў Яшын, савецкі футбаліст.

1933 — Ігар Дабралюбаў, беларускі рэжысэр, сцэнарыст (памёр у 2010). Аўтар фільмаў «Па сакрэту ўсяму сьвету», «Расклад на пасьлязаўтра», «Дзіўныя прыгоды Дзяніса Караблёва», «Белыя росы» ды іншых.

У гэты дзень памерлі

1883 — Майн Рыд, ірляндзкі і амэрыканскі пісьменьнік.

1937 — расстраляны НКВД Лукаш Калюга, беларускі пісьменьнік. Найбольш вядомыя ягоныя аповесьці — «Ні госьць, ні гаспадар» і «Нядоля Заблоцкіх». Застаўся пасьля Калюгі і недапісаны раман «Пустадомкі». Арыштавалі пісьменьніка ў 1933-м, калі яму было ўсяго 24 гады, і больш на свабоду ён ня выйшаў.

2010 — Павал Лойка, беларускі гісторык.

Цытата

«Жанчыны ніколі не бываюць такія моцныя, як калі яны ўзбройваюцца слабасьцю»

Іван Бунін.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG