Лінкі ўнівэрсальнага доступу

Крэмль: пытаньне аб абмене Саўчанкі можа вырашыць толькі Пуцін


Прэс-сакратар расейскага лідэра Дзьмітрый Пяскоў.
Прэс-сакратар расейскага лідэра Дзьмітрый Пяскоў.

Прэс-служба Пуціна заяўляе, што ў пытаньні аб абмене ўкраінскай лётчыцы Расея «будзе дзейнічаць у строгай адпаведнасьці з нацыянальным заканадаўствам».

Пытаньне аб выдачы Ўкраіне ці абмене Надзеі Саўчанкі можа вырашыць толькі прэзыдэнт Расеі Ўладзімір Пуцін. З такой заявай выступіў прэс-сакратар расейскага лідэра Дзьмітрый Пяскоў. Паводле яго, у пытаньні аб абмене ўкраінскай лётчыцы Расея «будзе дзейнічаць у строгай адпаведнасьці з нацыянальным заканадаўствам».

Данецкі гарадзкі суд Растоўскай вобласьці ў аўторак прысудзіў украінскую лётчыцу Надзею Саўчанку да 22 гадоў калёніі агульнага рэжыму, прызнаўшы яе вінаватай у дачыненьні да забойства двух расейскіх журналістаў пад Луганскам летам 2014 году. Па абвінавачваньні ў незаконным перасячэньні расейскай мяжы Саўчанцы прызначаны штраф 30 тысяч рублёў.

Прэзыдэнт Украіны Пятро Парашэнка назваў працэс па справе Саўчанкі «ганебным судзілішчам». Паводле яго, Пуцін «падчас сустрэч у нармандзкім фармаце абяцаў вярнуць» украінскіх вайскоўцаў на радзіму. «Надышоў момант выканаць гэтае абяцаньне!» — заявіў Парашэнка, дадаўшы, што наўзамен ён гатовы перадаць Расеі двух расейскіх вайскоўцаў, «затрыманых за ўдзел ва ўзброенай агрэсіі супраць Украіны».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG