Лінкі ўнівэрсальнага доступу

Максіма Вінярскага аштрафавалі на 9,45 мільёна рублёў


Максім Вінярскі, архіўнае фота
Максім Вінярскі, архіўнае фота

27 траўня ў Фрунзенскім судзе Менску адбыўся разгляд адміністрацыйнай справы актывіста Максіма Вінярскага.

Яго абвінавацілі ва ўдзеле ў несанкцыянаваных акцыях — устаноўчым сходзе Беларускага нацыянальнага кангрэсу — 15 траўня і акцыі «Праспэкт нацыянальнага сьцяга», якая адбылася 14 траўня. А таксама ў непадпарадкаваньні міліцыі. За ўдзел у акцыях судзьдзя Быкоўская пакарала Вінярскага штрафам у 45 базавых велічынь.

Пратаколы за непадпарадкаваньне адпраўлены на дапрацоўку.

Максім Вінярскі напісаў у Фэйсбуку, што папярэдзіў судзьдзю пра адказнасьць. Ён падзякаваў сябрам за падтрымку.

«Салідарнасьць — гэта сьвятое», — напісаў актывіст.

24 траўня ў Менску пачаўся разгляд адміністрацыйных спраў супраць удзельнікаў устаноўчага сходу Беларускага нацыянальнага кангрэсу, які 15 траўня прайшоў у парку імя Янкі Купалы.

Адным зь першых быў асуджаны да штрафу былы старшыня Вярхоўнага Савету Станіслаў Шушкевіч. Судзьдзя Цэнтральнага раённага суду Вікторыя Шабуня прызнала яго вінаватым ва ўдзеле ў несанкцыянаванай вулічнай акцыі і аштрафавала на 30 базавых велічынь — гэта 6 мільёнаў 300 тысяч рублёў.

Паводле назіральнікаў, на актыўных удзельнікаў устаноўчага сходу было складзена больш за 20 пратаколаў. У тым ліку на Мікалая Статкевіча, Уладзімера Някляева, Вячаслава Сіўчыка, Генадзя Фядыніча, Леаніда Кулакова, Сяргея Мацкойця ды іншых.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG