Лінкі ўнівэрсальнага доступу

Актывіста «Эўрапейскай Беларусі» Максіма Вінярскага аштрафавалі на 10,5 мільёна рублёў


Максім Вінярскі
Максім Вінярскі

Судзьдзя Аляксандар Петраш прызнаў Максіма Вінярскага вінаватым ва ўдзеле ў несанкцыянаваным пікеце і аштрафаваў на 50 базавых велічынь. Гаворка пра акцыю ў гадавіну рэфэрэндуму 1996 году, якая прайшла ў Менску 24 кастрычніка на заклік былога кандыдата на прэзыдэнта Мікалая Статкевіча.

Максім Вінярскі на судзе не прызнаў сябе вінаватым ва ўдзеле ў несанкцыянаваным пікеце, хоць не адмаўляў, што прысутнічаў на плошчы Незалежнасьці ўвечары 24 кастрычніка. Максім Вінярскі даводзіў суду, што не выкрыкваў ніякіх лёзунгаў і не трымаў у руках плякатаў. На пачатку суду Максім Вінярскі заявіў пра недавер да судзьдзі Аляксандра Петраша і ўвесь працэс, адказваючы на пытаньні судзьдзі, не ўставаў.

8 студзеня Максім Вінярскі таксама быў асуджаны ў Маскоўскім судзе Менску за ўдзел у акцыі пратэсту студэнтаў ад 2 сьнежня і атрымаў у якасьці пакараньня штраф памерам 70 базавых велічынь, зь іх 30 базавых велічынь судзьдзя Тацяна Матыль прысудзіла актывісту за непавагу да суду.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG