Лінкі ўнівэрсальнага доступу

Максіма Вінярскага аштрафавалі амаль на 15 мільёнаў


Максім Вінярскі, архіўнае фота

Максім Вінярскі, архіўнае фота

Максім Вінярскі аштрафаваны на 70 базавых велічынь (14 мільёнаў 700 тысяч рублёў). Зь іх 20 базавых за непавагу да суду і 50 — за ўдзел у акцыі пратэсту студэнтаў 2 сьнежня.

У судзе актывіст адмаўляўся ўставаць, калі судзьдзя Тацяна Матыль уваходзіла ў залю ці задавала яму пытаньні. «Яна судзіла мяне шмат разоў, пачынаючы з 2010 году. Абсалютна ня веру ў яе неперадузятасьць, яна зноў выконвае заказ», — сказаў актывіст.

Да гэтага суду, паводле Вінярскага, на ім «вісела» больш за 18 млн рублёў штрафаў.

Доказам удзелу Вінярскага ў акцыі пратэсту студэнтаў на судзе было відэа з акцыі. Пры гэтым на відэа Вінярскі ніводнага разу не казаў «Жыве Беларусь», як сьцьвярджалася ў пратаколе. Сьведкі-міліцыянты тлумачылі гэта тым, што на відэа ня трапілі тыя моманты, калі ён выкрыкваў лёзунгі. Вінярскі казаў, што пратакол склалі безь яго, а відэа даказвае ягоную невінаватасьць.

Паказаць камэнтары

XS
SM
MD
LG