Лінкі ўнівэрсальнага доступу

Латвія пабудуе плот на мяжы зь Беларусьсю


Агароджа на мяжы Грэцыі і Македоніі, ілюстрацыйнае фота

Агароджа на мяжы Грэцыі і Македоніі, ілюстрацыйнае фота

Каб засьцерагчы сябе ад людзей, што незаконна перасякаюць мяжу, Латвія на мяжы зь Беларусьсю пабудуе плот. У бюджэце наступнага году прадугледжаныя сродкі на распрацоўку праекту ўладкаваньня прымежнай паласы на мяжы Латвіі і Беларусі.

Пра гэта паведаміў у інтэрвію агенцтву LETA начальнік Дзяржаўнай памежнай аховы Латвійскай Рэспублікі Нормундс Гарбарс.

Улічваючы, што падобны досьвед ужо ёсьць на латвійска-расейскай мяжы, вялікіх зьменаў не прадбачыцца, і праект будзе рэалізаваны на такіх жа прынцыпах.

Працы для ўладкаваньня прымежнай паласы паміж Латвіяй і Беларусьсю могуць пачацца не раней чым праз год, пакуль невядома, якой даўжыні плот будзе.

Увесну сёлета на латвійска-расейскай мяжы на тэрыторыі Лудзенскага кіраваньня пабудаваныя першыя тры кілямэтры плоту. Мінімальная вышыня агароджы складзе 2,70 мэтра. Усяго плянуецца пабудаваць 92 км плоту на асобных участках мяжы.

Паказаць камэнтары

XS
SM
MD
LG