Лінкі ўнівэрсальнага доступу

«Пачнём зь дзьвюх...» — у магілёўскай школе стварылі беларускую клясу для дзьвюх вучаніц


Вучаніцы беларускай клясы Тацяна Турандзіна (зьлева) і Эвэліна Самойленка
Вучаніцы беларускай клясы Тацяна Турандзіна (зьлева) і Эвэліна Самойленка

Першаклясьніцы 34-й магілёўскай школы Тацяна Турандзіна і Эвэліна Самойленка сёньня адзначылі Дзень ведаў у клясе зь беларускай мовай навучаньня. Дзяўчаткі будуць вучыцца ў малакамплектнай клясе 1 «Г».

На школьнай лінейцы дзяўчаткі стаялі разам з настаўніцай Лідзіяй Пятроўнай Ціханоўскай. Дзяўчынак віталі і запрашалі ў іхны клясны пакой па-беларуску.

Беларуская кляса: вучаніцы Эвэліна Самойленка (зьлева), Тацяна Турандзіна (справа) і настаўніца Лідзія Пятроўна Ціханоўская (за вучаніцамі)
Беларуская кляса: вучаніцы Эвэліна Самойленка (зьлева), Тацяна Турандзіна (справа) і настаўніца Лідзія Пятроўна Ціханоўская (за вучаніцамі)

На лінейцы Эвэліна трошку паплакала. Тацяна ж была весялейшая. У клясе больш гаваркой была Эвэліна. Тацяна за партай сядзела маўкліва. Абедзьве паслухмяна выконвалі першыя заданьні настаўніцы.

Беларуская кляса на лінейцы
Беларуская кляса на лінейцы

«Я плакала, бо мне было страшнавата бяз мамы», — прызналася Эвэліна.

«Вучыцца будзем добра», — дадала Тацяна, гартаючы кнігі, падараваныя Таварыствам беларускай мовы.

Першы званок для вучаніц і беларускай клясы
Першы званок для вучаніц і беларускай клясы

«Хвалююся крыху, але ж вельмі чакала дзяўчатак. Настрой вельмі добры, і я шчасьлівы чалавек. Спачатку пачнём зь дзьвюх вучаніц. А потым, я мару пра гэта, будзе больш», — казала Лідзія Пятроўна на пачатку ўроку журналістам.

Таварыства беларускай мовы прэзэнтавала першаклясьніцам беларускія кнігі. Справа кіраўнік магілёўскай суполкі ТБМ Алег Дзьячкоў
Таварыства беларускай мовы прэзэнтавала першаклясьніцам беларускія кнігі. Справа кіраўнік магілёўскай суполкі ТБМ Алег Дзьячкоў

Настаўніца сказала, што па-беларуску дзеці будуць гаварыць тады, калі па-беларуску загавораць у сям’і.

Лідзія Ціханоўская — настаўніца з шматгадовым стажам. Выкладала школьныя прадметы на беларускай і расейскай мовах у пачатковых клясах.

Пакой беларускай клясы з нумарам «31»
Пакой беларускай клясы з нумарам «31»

Першы ўрок Лідзія Пятроўна для сваіх вучаніц правяла пад назваю «Наш запавет — гэты сьвет берагчы».

Пакой клясы аформлены па-беларуску. Шмат беларускіх кніг. На сьцяне партрэты Янкі Купалы і Якуба Коласа. Эвеліна і Тацяна — разам за адной зь дзьвюх партаў.

Афармленьне клясы беларускае
Афармленьне клясы беларускае

Кіраўніцтва навучальнай установы адкрыцьцё малакамплектнай беларускамоўнай клясы лічыць добрым вынікам інфармацыйнай працы і заяўляе, што будзе далей шукаць вучняў. Той жа думкі трымаюцца бацькі, якія наважыліся аддаць сваіх дзяцей у беларускую клясу.

Сям’я Турандзіных — Галіна і Вячаслаў
Сям’я Турандзіных — Галіна і Вячаслаў

Сям’я Самойленкаў — Ганна і Юры
Сям’я Самойленкаў — Ганна і Юры

Тым часам працягне вучыцца адна ў сёмай клясе першай магілёўскай школы Ялінка Салаўёва. Для яе бацькі не знайшлі аднаклясьнікаў.

Шыльда школы
Шыльда школы

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG