Лінкі ўнівэрсальнага доступу

Лукашэнка хоча, каб украінскі канфлікт вырашылі прэзыдэнты


Аляксандар Лукашэнка падчас сустрэчы зь Івіцам Дачычам

Аляксандар Лукашэнка падчас сустрэчы зь Івіцам Дачычам

Аляксандр Лукашэнка лічыць, што кіраўнікі дзяржаў павінны зрабіць АБСЭ больш уплывовай арганізацыяй.

Пра гэта ён заявіў на сустрэчы зь дзейным старшынём АБСЭ, першым намесьнікам прэм’ер-міністра — міністрам замежных спраў Сэрбіі Івіцам Дачычам, піша БЕЛТА.

На думку Лукашэнкі, да вырашэньня ўкраінскага канфлікту павінны былі больш актыўна падключыцца кіраўнікі дзяржаў.

«Калі ўжо вайна, то, напэўна, у тэрміновым парадку павінны былі сабрацца кіраўнікі дзяржаў, абмеркаваць гэтую праблему і прыняць нейкія меры, рашэньні. Не атрымаецца — хоць бы ў вочы сказаць усё тое, што адзін пра аднаго думаюць. Пакуль гэтага не адбываецца», — сказаў ён.

Кіраўнік беларускай дзяржавы адзначыў, што яго стаўленьне да АБСЭ дваістае. На яго думку, з аднаго боку, гэта вельмі патрэбная арганізацыя, яна павінна граць значную ролю ў забесьпячэньні бясьпекі і супрацоўніцтва ў Эўропе, аднак на дадзены момант роля АБСЭ недастатковая. Паводле Лукашэнкі, у гэтым віна самой арганізацыі, і перш за ўсё — кіраўнікоў дзяржаў.

«Зь іншага боку, АБСЭ спрабуе і, наколькі гэта, напэўна, магчыма сёньня, робіць неабходнае для ўрэгуляваньня канфлікту на ўсходзе Ўкраіны. Але, вядома, з тымі паўнамоцтвамі, якія АБСЭ сёньня мае, ня маючы імпульсу ад кіраўнікоў дзяржаў, наўрад ці АБСЭ ў гэтай сытуацыі можа нешта зрабіць», — падкрэсьліў Лукашэнка. Таму, паводле яго, зьяўляюцца новыя фарматы: нармандзкія, бэрлінскія, менскія і іншыя. «Усё гэта магло зьмясьціцца ў адной арганізацыі — АБСЭ, і гэта яе функцыя», — сказаў ён.

Паказаць камэнтары

XS
SM
MD
LG