Кіраўнік Беларусі Аляксандар Лукашэнка і прэм’ер-міністар Расеі Дзьмітрый Мядзьведзеў правялі нефармальную сустрэчу ў аграгарадку Александрыя Шклоўскага раёну.
Як паведамляе дзяржаўнае агенцтва БелТА, больш за тры гадзіны Лукашэнка і Мядзьведзеў абмяркоўвалі двухбаковыя адносіны, эканамічнае супрацоўніцтва, рэгіянальную праблематыку, міжнародны парадак дня.
Паводле БелТА, Лукашэнка «паказаў расейскаму госьцю свае родныя мясьціны». Яны пачаставаліся бярозавым сокам і сфатаграфаваліся ля роднай хаты Лукашэнкі.
