14:52
23.1.2014
Януковіч абяцаў ня ўводзіць надзвычайны стан
Прэзыдэнт Украіны Віктар Януковіч паабяцаў Прэзыдэнту Эўрапейскай Камісіі Жазэ Мануэлю Барозу ня ўводзіць ва Ўкраіне надзвычайнае становішча.
Як перадае ўласны карэспандэнт УНІАН з Брусэля, пра гэта прадстаўнік Эўракамісіі Аліўе Баі паведаміў на брыфінгу, інфармуючы журналістаў аб тэлефоннай размове прэзыдэнтаў.
14:49
23.1.2014
На Майдане Незалежнасьці дзясяткі тысяч чалавек. Адбываецца вялікі малебен.
14:46
23.1.2014
«Беркут» ачышчае вуліцу Грушэўскага ад патушаных пакрышак, маніфэстанты не перашкаджаюць, як іх прасіў Віталь Клічко.
13:18
23.1.2014
На час перамоваў апазыцыі і Януковіча абвешчана перамір’е. Лідэр украінскай партыі “Ўдар” Віталь Клічко прыйшоў на барыкады і распавёў пра вынікі сваіх перамоваў з афіцэрамі “Беркута”.
Па-першае, дамовіліся, што пад час перамоваў лідэраў трох апазыцыйных фракцый Вярхоўнай Рады абодва варагуючыя бакі спыняць актыўныя дзеяньні. Перамовы заплянаваныя а 12-й гадзіне кіеўскага часу. Тым часам пажарныя маюць загасіць палаючыя шыны на вуліцы Грушэўскага, але барыкады застануцца. Чытаць далей
Па-першае, дамовіліся, што пад час перамоваў лідэраў трох апазыцыйных фракцый Вярхоўнай Рады абодва варагуючыя бакі спыняць актыўныя дзеяньні. Перамовы заплянаваныя а 12-й гадзіне кіеўскага часу. Тым часам пажарныя маюць загасіць палаючыя шыны на вуліцы Грушэўскага, але барыкады застануцца. Чытаць далей
12:41
23.1.2014
На Эўрапейскую плошчу зноў прыехала хуткая дапамога. Заносяць параненых.
12:39
23.1.2014
12:37
23.1.2014
12:25
23.1.2014
Па мэдычную дапамогу зьвярнуліся 254 міліцыянта
Пасьля падзей на вуліцы Грушэўскага ў Кіеве за мэдыцынскай дапамогу зьвярнулася 254 праваахоўнікі. 104 з іх шпіталізаваны, паведамілі УНІАН у МУС Украіны.
12:09
23.1.2014
Сёньня ва Ўкраіне могуць адключыць інтэрнэт, тэлебачаньне, мабільную сувязь, -- паведамляе Espresso.TV
11:45
23.1.2014
Клічко вядзе перамовы з афіцэрамі «Беркута»
Лідэр партыі «ЎДАР» Віталь Клічко гутарыць з афіцэрамі спэцназа «Беркут» у іх месцы дыслякацыі каля стадыёна «Дынама».
У суправаджэньні двух людзей ён прайшоў скрозь барыкаду з падпаленых аўтамабільных пакрышак і рушыў у шэрагі «Беркута».
Нягледзячы на гэта, баявыя дзеяньні на вуліцы Грушэўскага актывізаваліся. У мітынгоўцаў паляцелі газавыя гранаты, яны адказвалі камянямі.
11:35
23.1.2014
Пасьля каменнага абстрэлу, спэцназ пайшоў у наступ
Мітынгоўцы падыходзяць бліжэй да шэрагаў спэцназу, актывізуюцца. Паміж імі і спэцназам мэтраў сто, некаторыя пратэстоўцы з камянямі ідуць у наступ, а потым вяртаюцца ў асноўны натоўп.
Спэцназ у адказ пайшоў у наступ.
Мітынгоўцы падыходзяць бліжэй да шэрагаў спэцназу, актывізуюцца. Паміж імі і спэцназам мэтраў сто, некаторыя пратэстоўцы з камянямі ідуць у наступ, а потым вяртаюцца ў асноўны натоўп.
Спэцназ у адказ пайшоў у наступ.
11:06
23.1.2014
Малебен на барыкадах
На вуліцы Грушэўскага шэсьць праваслаўных і грэка-каталіцкіх сьвятароў моляцца на паміж процілеглымі сіламі за спыненьне гвалту.
11:06
23.1.2014
11:05
23.1.2014
300 пацярпелых спэцназаўцаў МУС Украіны заявіла, што падчас падзей на вуліцы Грушэўскага ў Кіеве пацярпелі больш за трыста праваахоўнікаў.
10:52
23.1.2014
Перамір’е на Грушэўскага скончылася
Перамір’е абвешчанае ў сувязі з тушэньнем пажару ў доме 4 па вуліцы Грушэўскага, як выглядае, скончылася.
Пратэстоўцы зноў пачалі кідаць у спэцназ камяні. Спэцназ кідае шумавыя гранаты. Вуліца Грушэўскага палыхае ад запаленых шын.
10:51
23.1.2014
Дом на Грушэўскай патушылі
Пажар, які ноччу ўспыхнуў у доме на вуліцы Грушэўскага, 4, ужо патушаны. Гэта зрабілі ратавальнікі, якім дапамагалі ўдзельнікі пратэсту. На тушэньні яны абвясьцілі аб перамір’і.
Пасьля гэтага да звыклага скандаваньне «Зэка гэць!» мітынгоўцы дадалі «Слава пажарным!»
Пажар успыхнуў у выніку трапляньня адной з бутэлек з запальнай сумесьсю.
У доме знаходзіліся ў асноўным офісы, але з акна на чацьвёртым паверсе прасіла аб выратаваньні жанчына. Як было відаць з трансьляцыі Радыё Свабода, полымя дасягала вышыні другога паверха.
10:36
23.1.2014
Пратэстоўцы чакаюць нападу «Беркута»
Мітынгоўцы на вуліцы Грушэўскага ў Кіеве, якія разьмясьціліся па лініі падпаленых аўтамабільных шын, рыхтуюцца да магчымага штурму з боку байцоў «Беркута».
У сераду першы напад сілавікоў пачаўся каля 8:00. Пасьля «беркутаўцы» яшчэ некалькі разоў атакавалі мітынгоўцаў. Раніцай 22 студзеня на вуліцы Грушэўскага загінулі армянін Сяргей Нігаян і беларус Міхаіл Жызьнеўскі.