Лінкі ўнівэрсальнага доступу

У Горадні зьявяцца шыльды з гістарычнымі назвамі вуліц


Вуліца Маркса ў Горадні. Адна з гістарычных назваў — Азёрская
Вуліца Маркса ў Горадні. Адна з гістарычных назваў — Азёрская

Гарадзенскі гарвыканкам даў адказ на зварот рэдакцыі Hrodna.life, пад якім падпісаўся 881 чалавек, з заклікам вярнуць гарадзенскім вуліцам іх гістарычныя назвы.

У адказе паведамляецца, што ў горадзе заплянавана паэтапная ўстаноўка шыльдаў з гістарычнымі назвамі вуліц.

У адказе з гарвыканкаму на імя рэдакцыі сайту гаворыцца, што ўжо складзены сьпіс вуліц, якія знаходзяцца ў гістарычным цэнтры гораду. Над высьвятленьнем гістарычных назваў будуць працаваць ва ўнівэрсытэце імя Янкі Купалы, а таксама ў гісторыка-археалягічным музэі.

Вынікі гэтай працы будуць накіраваныя ў тапанімічную камісію гарвыканкаму, а пасьля плянуецца паэтапная ўстаноўка шыльдаў.

Рэдактар сайту Hrodna.life Аляксей Шота сказаў Свабодзе, што адказам з гарвыканкаму ініцыятары звароту задаволеныя. Праўда, дадае, што ўжо зараней падрыхтаваліся да іншых дзеяньняў.

Аляксей Шота
Аляксей Шота

— Мы ня ведалі, якім будзе адказ, але ўжо пачалі рыхтаваць сьпіс вуліц, дызайн новых шыльдаў, і нават былі гатовыя заняцца зборам сродкаў на тое, каб усталяваць новыя шыльды. А цяпер спадзяёмся, што гэтым зоймуцца гарадзкія ўлады. Праўда, плянуем адсочваць гэты працэс.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG