Лінкі ўнівэрсальнага доступу

logo-print

Кітайскіх «бунтаўнікоў» угаварылі вярнуцца ў Добруш ВІДЭА


Кітайскія рабочыя, занятыя на будаўніцтве кардоннага камбіната ў беларускім горадзе Добруш, калёнай рушылі ў Менск, патрабуючы сустрэчы з паслом Кітаю ў Беларусі з-за трохмесячнай затрымкі зарплаты. Бліжэй да вечара прадстаўнікі кітайскай амбасады пераканалі пратэстоўцаў вярнуцца ў Добруш.

17:30 Прадстаўнікі дыпляматычнай місіі Кітаю ў Беларусі, якія прыехалі ў Гомель, знайшлі паразуменьне са сваімі суграмадзянамі, удзельнікамі пешага маршу пратэсту з Добрушу ў Менск. На вуліцы Барыкіна пратэстоўцы ўрэшце селі ў аўтобусы, каб вярнуцца на працу ў Добруш. Падчас перамоваў многія кітайцы здолелі запасьціся ў навакольных крамах вадой, кока-колай і некаторым харчам.

Каля двухсот кітайцаў 2 ліпеня маршам прайшлі па Гомелі. Яны пешшу дайшлі з Добрушу да абласнога цэнтру і вырашылі крочыць на Менск, у сваю амбасаду.

У прадстаўніцтве карпарацыі «Сюань Юань» сказалі, што для іх паход кітайскіх рабочых у Менск стаў нечаканым. Карэспандэнту Свабоды там сказалі, што разьбіраюцца з сытуацыяй.

За пешымі кітайцамі ехалі аўтобусы

За пешымі кітайцамі ехалі аўтобусы

Апошнія зь пешых кітайцаў на вуліцы Барыкіна

Апошнія зь пешых кітайцаў на вуліцы Барыкіна

Кітайцы на вуліцы Барыкіна

Кітайцы на вуліцы Барыкіна

Пасольскі мэрсэдэс на вуліцы Барыкіна ў Гомелі

Пасольскі мэрсэдэс на вуліцы Барыкіна ў Гомелі

17:00 Старшыня Беларускага кангрэсу дэмакратычных прафсаюзаў Аляксандар Ярашук лічыць, што сваім учынкам кітайскія рабочыя толькі прадэманстравалі нам, якія праблемы чакаюць беларусаў пасьля выбараў. Паводле ягоных словаў, беларускія рабочыя ў сытуацыі шматмесячнай нявыплаты заробкаў паступілі б гэтаксама.

Аляксандар Ярашук

Аляксандар Ярашук

«У Беларусі дрэнная эканамічныя сытуацыя. Мы ведаем, што адбываецца на шэрагу прадпрыемстваў, ізноў размова ідзе пра скарочаныя працоўныя графікі. У дадзеным выпадку сытуацыю ратуе тое, што ўжо глыбокае лета, людзі сыходзяць на вакацыі. Але праблема нікуды ня зьнікла.

Тое, што адбываецца цяпер пад Гомелем — гэта прыклад таго, што можа адбывацца ў Беларусі. І галоўныя падзеі адбудуцца пасьля выбараў. Гэта абернецца дэвальвацыяй, перапынкамі ў працы, нясвоечасовай выплатай заробкаў.

Кітайскія рабочыя толькі нагадалі нам пра тое, што нас чакае».​

16:10 Для начальства бунт кітайцаў стаўся нечаканкай

У прадстаўніцтве карпарацыі «Сюань Юань» сказалі, што для іх паход кітайскіх рабочых у Менск стаў нечаканым. Карэспандэнту Свабоды там сказалі, што разьбіраюцца з сытуацыяй. Чытаць далей

15:50 Размова страйкоўцаў з кітайскім дыпламатам не ўдалася.

Ён прапаноўваў рабочых на машынах адвезці ў Добруш, дзе і вырашыць усе пытанні. Нехта застаўся з дыпламатам, але большасць паднялася і пайшла далей. Рухаюцца ў бок Мінска. // «Наша ніва»

Да кітайскіх пратэстоўцаў выехалі дыпляматы

У амбасадзе Кітая ў Беларусі заявілі, што ведаюць пра тое, што адбываецца, але падрабязнасьцяў у дыпляматаў няма, паведамляе БелаПАН. Супрацоўнік амбасады выказаў меркаваньне, што шэсьце працаўнікоў можа быць выклікана канфліктам з кіраўніцтвам кардоннага камбінату. Дыпляматы ўжо выехалі ў Гомельскую вобласьць, каб высьветліць абставіны.

15:15 Да пратэстоўцаў пад’ехала дыпляматычная машына. Вакол дыпламата згуртаваліся кітайцы. Дыпламат нешта кажа кітайцам, а яны абураюцца, паведамляе «Наша ніва».

Каля двухсот кітайцаў 2 ліпеня маршам прайшлі па Гомелі. Яны пешшу дайшлі з Добрушу да абласнога цэнтру і вырашылі крочыць на Менск, у сваю амбасаду.​

15:00 Свабодзе стала вядома, што Добруская папяровая фабрыка, дзе працавалі кітайскія рабочыя, ня выплаціла ім заробак. З кім ні даводзілася загаварыць, кожны суразмоўца цьвердзіў адно: «Мані, мані», гэта значыць — грошы, грошы.

Некаторыя зьдзіўленыя гамельчукі выказвалі меркаваньне, ці не на вайну едуць кітайцы. Але хутка па горадзе пайшла пагалоска, што марш пратэсту выкліканы менавіта нявыплатай заробку. Рабіліся і высновы: «Кітайцы — ня нашы рабочыя, маўчаць ня будуць».

Міліцыя суправаджала паход кітайцаў праз увесь горад, забясьпечвала пераход праз вуліцы.

Камэнтар у кіраўнікоў Добрускай папяровай фабрыкі наконт нявыплаты заробку замежнікам пакуль атрымаць не ўдалося.

Прывал

Прывал

ААТ «Добруская папяровая фабрыка «Герой працы» плянуе стварыць вытворчы комплекс па вырабе мелаванага і немелаванага трохслаёвага кардону да 2015 году. Генэральным падрадчыкам па праекце зьяўляецца кітайская «Карпарацыя Сюань Юань», зь якой беларускі бок заключыў кантракт на суму $348,6 млн. Фінансаваньне ў памеры поўнага кошту кантракту арганізавана за кошт сродкаў крэдыту Дзяржаўнага банка разьвіцьця Кітая.

Паказаць камэнтары

XS
SM
MD
LG