Лінкі ўнівэрсальнага доступу

Марціновіч анансаваў свой новы раман «Возера радасьці»


Віктар Марціновіч
Віктар Марціновіч

Віктар Марціновіч анансаваў новы раман падчас урачыстага старту кінафэстывалю Smartfilm, дзе ўвайшоў у склад літаратурнага журы.

«Увесну наступнага году выйдзе кніга, якая называецца „Возера радасьці“, — сказаў Свабодзе Віктар Марціновіч. — Цяпер мы працуем над вызначэньнем фармату і выдаўцоў, вызначаем, якім чынам будзе выдавацца. Дакладна будзе беларускі рэліз, усё астатняе вызначаем».

Дэталі сюжэту пісьменьнік не раскрывае, але абяцае захапляльную гісторыю:

«Гэта будзе раман пра сталеньне ў Беларусі, раман пра нелюбоў, раман пра прыгоды 30-гадовай дзяўчынкі ў зачараваным лесе, а ў ролі лесу будзе выступаць сучасны горад, тры сусьветныя сталіцы».

Кнігі Марціновіча выходзяць па-расейску і па-беларуску, іх пераклалі на ангельскую, нямецкую і іншыя мовы. На сёньня выйшлі чатыры раманы пісьменьніка: «Параноя» (2009), «Сьцюдзёны вырай» (2011), «Сфагнум» (2013) і «Мова» (2014). За «Сьцюдзёны вырай» Марціновіч атрымаў літаратурную прэмію «Дэбют» імя Максіма Багдановіча, таксама пісьменьнік уганараваны прэміяй Эўрапейскага таварыства навуковай фантастыкі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG