Лінкі ўнівэрсальнага доступу

Беларусь і Ўкраіна правялі перамовы пра супрацоўніцтва ў сфэры міграцыі


Ukraine -- Belarus Ukraine map flag, Kyiv, 29Jule2015
Ukraine -- Belarus Ukraine map flag, Kyiv, 29Jule2015

Беларусь і Ўкраіна дамовіліся пра пачатак унутрыдзяржаўных працэдур для падпісаньня пагадненьня пра міжведамаснае супрацоўніцтва ў сфэры міграцыі.

Як паведамілі Радыё Свабода ў прэсавай службе Дзяржаўнай міграцыйнай службы Ўкраіны, на адпаведных кансультацыях адмыслоўцы паартыкульна ўзгаднілі тэкст праекту дакумэнту.

«Наладжаньне двухбаковага ўзаемадзеяньня ў сфэры міграцыі з Рэспублікай Беларусь ёсьць важным, бо такое непасрэднае міжведамаснае супрацоўніцтва дазволіць Дзяржаўнай міграцыйнай службе Ўкраіны больш эфэктыўна ажыцьцяўляць свае паўнамоцтвы ў пытаньнях рэалізацыі дзяржаўнай міграцыйнай палітыкі, а ў сукупнасьці з мадэрнізацыяй сыстэмы дакумэнтаў, што засьведчваюць асобу, дазволіць пазьбягаць залішняй бюракратызацыі пры супрацоўніцтве з кампэтэнтнымі органамі суседняй дзяржавы», — адзначылі ў прэсавай службе ведамства.

Вярхоўная рада Ўкраіны ў ліпені 2016 году ўхваліла закон, адпаведна зь якім з 1 кастрычніка грамадзяне ад дасягненьня 14-гадовага ўзросту атрымліваюць ID-картку замест папяровага пашпарта. І ўжо ўвосень шмат украінскіх грамадзян сутыкнуліся з тым, што на падставе гэтага дакумэнту ня могуць падарожнічаць у краіны, зь якімі адсутнічае візавы рэжым, у тым ліку і ў Беларусь. Паводле двухбаковых пагадненьняў, унутраны ўкраінскі пашпарт новага ўзору не разглядаецца як дакумэнт для пропуску празь мяжу Беларусі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG