У прадмесьці Стакгольму Рынкебю, дзе пражываюць мігранты, ад панядзелка адбываюцца беспарадкі.
Паводле відавочцаў, хваляваньні ўспыхнулі, калі на станцыі мэтро паліцыянты паспрабавалі затрымаць чалавека, які знаходзіўся ў вышуку. У іх паляцелі камяні, пры гэтым адзін трапіў у паліцыянта. Паліцыянтам удалося пакінуць месца здарэньня разам з затрыманым.
Як паведаміла газэта Dagens Nyheter, паліцыя адкрыла агонь на паражэньне, калі ўдзельнікі беспарадкаў у прыгарадзе Рынкебю паспрабавалі перашкодзіць затрыманьню.
Празь дзьве гадзіны ў іншым раёне прыгараду Стакгольму пачаліся новыя беспарадкі, падчас якіх былі падпаленыя некалькі машын.