Амэрыканскі астранаўт Джон Глен памёр 8 сьнежня. Яму было 95 гадоў.
20 лютага 1962 году Джон Глен стаў першым астранаўтам ЗША, якія зьдзейсьніў арбітальны касьмічны палёт — тры віткі вакол Зямлі. Да яго субарбітальны палёт зьдзейсьніў астранаўт Алан Шэпард.
У свой другі касьмічны палёт ён адправіўся ў 77 гадоў — у кастрычніку 1998 году, на борце шатла «Дыскавэры».
Джон Глен быў лётчыкам-выпрабавальнікам, вэтэранам Другой сусьветнай і карэйскай войнаў. Ён таксама быў сэнатарам-дэмакратам ад штата Агаё.
Глена лічаць адным з самых знакавых людзей ХХ стагодзьдзя.