Лінкі ўнівэрсальнага доступу

Керы заявіў Лаўрову пра занепакоенасьць аднаўленьнем баявых дзеяньняў у Алепа


Дзяржсакратар ЗША Джон Керы (зьлева) і міністар замежных спраў Расеі Сяргей Лаўроў
Дзяржсакратар ЗША Джон Керы (зьлева) і міністар замежных спраў Расеі Сяргей Лаўроў

Дзяржсакратар ЗША Джон Керы заявіў міністру замежных спраў Расеі Сяргею Лаўрову 24 кастрычніка пра занепакоенасьць аднаўленьнем баявых дзеяньняў у сырыйскім горадзе Алепа пасьля шматдзённага перапынку, гаворыцца ў паведамленьні Дзярждэпартамэнту.

Лаўроў і Керы абмеркавалі сытуацыю ў Сырыі ў тэлефоннай размове і дамовіліся, што экспэрты зь некалькіх краінаў на сустрэчы ў Жэнэве працягнуць пошук шляхоў урэгуляваньня крызісу ў Алепа.

Лаўроў адказаў Керы, што Злучаныя Штаты павінны выканаць сваё абавязацельства аддзяліць умераныя групы апазыцыі ад «тэрарыстаў» у Сырыі, паведамляе пра гэтую ж размову МЗС Расеі.

Геаграфічная блізкасьць у разьмяшчэньні ўмераных сырыйскіх паўстанцаў і групаў, клясыфікаваных як тэрарыстычныя, такіх, як «Ісламская дзяржава», была адной з прычынаў няўдачы перамоваў аб спыненьні агню, якія падтрымлівалі ў верасьні Масква і Вашынгтон.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG