Лінкі ўнівэрсальнага доступу

logo-print

Узброеныя людзі захапілі закладнікаў і будынак паліцыі ў Ерэване, патрабуюць адстаўкі прэзыдэнта


Паліцыя перакрыла дарогу да захопленага будынка

Паліцыя перакрыла дарогу да захопленага будынка

Раніцай 17 ліпеня група ўзброеных асоб захапіла будынак паліцыі і ўнутраных войскаў у ерэванскімі раёне Эрэбуні. Па зьвестках мясцовых СМІ, два закладнікі вызваленыя, пры гэтым загінуў адзін паліцыянт, два параненыя.

Як перадае Panarmenian, захопнікі патрабуюць адстаўкі прэзыдэнта Сэржа Саргсяна і фарміраваньня ўраду, «якому б давярала насельніцтва краіны».

Інфармацыйныя крыніцы ў Армэніі паведамляюць, што захопнікі ўтрымліваюць 8 закладнікаў, у тым ліку намесьніка начальніка паліцыі сталіцы Армэніі Вардана Егіазаряна. Асноўнае патрабаваньне захопнікаў – вызваліць каардынатара грамадзянскай ініцыятывы «Устаноўчы парлямэнт» Жырайра Сэфіляна, які быў арыштаваны месяц таму паводле абвінавачаньня ў незаконных дзеяньнях са зброяй.

Паводле армянскіх мэдыяў, пры захопе будынку паліцыі Эрэбыні быў забіты адзін паліцэйскі, яшчэ некалькі чалавек атрымалі раненьні. Сілы правапарадку ачапілі раён, дзе знаходзіцца будынак паліцыі, у тым ліку за ачапленьне не пускаюць журналістаў.

Паводле афіцыйных крыніц, з захопнікамі вядуцца перамовы. Як паведаміў «Інтэрфаксу» дэпутат парлямэнту Армэніі Нікол Пашынян, захопнікі «патрабуюць адстаўкі ўраду і вызваленьня свайго аднадумцы Жырайма Сэфіляна».

У будынку паліцыі Эрэбуні, які захоплены, на момант захопу знаходзілася 25 чалавек, перадае армянскае «Радыё Свабода».

XS
SM
MD
LG