Лінкі ўнівэрсальнага доступу

16 лістапада — суд над апошнім вязьнем Плошчы Ўладзімерам Кондрусем


Меркавана, Уладзімер Кондрусь б'е шкло Дома ўраду падчас акцыі пратэсту на плошчы Незалежнасьці пасьля прэзыдэнцкіх выбараў 2010 году
Меркавана, Уладзімер Кондрусь б'е шкло Дома ўраду падчас акцыі пратэсту на плошчы Незалежнасьці пасьля прэзыдэнцкіх выбараў 2010 году

Пасяджэньне адбудзецца 16 лістапада а 10.30 у судзе Маскоўскага раёну Менску. Справу будзе разглядаць судзьдзя Сьвятлана Бандарэнка, паведамляе сайт праваабарончага цэнтру «Вясна».

Жыхар пасёлка Рудзенск Уладзімер Кондрусь 1977 году нараджэньня быў узяты пад варту 14 чэрвеня ў межах папярэдняга расьсьледаваньня за яго меркаваны ўдзел у падзеях каля Дома ўраду падчас выбараў прэзыдэнта ў 2010 годзе.

Ён абвінавачваецца паводле артыкулу 293 Крымінальнага кодэксу «Масавыя беспарадкі». На час сьледзтва Кондрусь утрымліваецца ў СІЗА № 1 г. Менску.

Бацькі, сястра і адвакат Уладзімера ня могуць распавесьці СМІ падрабязнасьці справы — яны далі падпіску аб невыдаваньні.

Уладзімер амаль два месяцы адмаўляўся ад ежы, пасьля чаго стан ягонага здароўя моцна пагоршыўся: ён ня мог нават самастойна хадзіць.

Праваабарончая супольнасьць Беларусі прызнала Ўладзімера Кондруся палітычным зьняволеным.

Старшыня Цэнтарвыбаркаму Беларусі Лідзія Ярмошына летам назвала арышт Уладзімера Кондруся апраўданым.

«Мне зусім нядаўна задалі пытаньне з нагоды аднаго з тых, хто арыштаваны ў сувязі з падзеямі 2010 году. Яго выпадкова ўстанавілі. Пра гэта шмат шуміць інтэрнэт і гэтак далей. І калі я кажу: „Скажыце, калі ласка, а на тэрыторыі Эўразьвязу асобаў, якія чыняць дзеяньні, блізкія да тэрарызму, не прыцягваюць да адказнасьці?“, мне адказваюць: „Ну, гэта ж не тэрарызм“», — сказала Ярмошына.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG