Дзяржаўныя СМІ не аддалі вялікай увагі сьмерці народнага паэта Беларусі Ніла Гілевіча.
На тэлеканале «Беларусь-1» у выпуску навін паэту прысьвяцілі сюжэт у 33 сэкунды.
Тэлеканал СТБ адвёў на Гілевіча 35 сэкунд.
Самы вялікі сюжэт выйшаў на тэлеканале АНТ — 2 хвіліны і 3 сэкунды.
Афіцыйная газэта «Советская Белоруссия» ўзгадала пра Ніла Гілевіча двойчы — першы раз паведамлялася пра сам факт сьмерці (на падставе інфармацыі БелТА), а другі раз былі апублікаваныя спачуваньні Аляксандра Лукашэнкі — тэкст складаў роўна чатыры сказы.
