Лінкі ўнівэрсальнага доступу

Галоўнае ў жыцьці


Жан Франсуа Міле, «Зьбіральніцы каласкоў» (1857)
Жан Франсуа Міле, «Зьбіральніцы каласкоў» (1857)

У бабулі — «сельгасработы». Без мяне як асноўнай «цяглавай сілы» — ніяк. Адпрацаваўшы пару гадзін, прыселі ў цені — перадыхнуць і пачакаць, пакуль вялізнае, паважнае воблака напаўзе на сонца.

Заўважыўшы маю лёгкую стому, бабуля падбадзёрвае:

— Нічога, унучак, справімся! Глянь, асталася менш, чым зрабілі!

І рэзюмуе ўлюбёнай фразай:

— Глаўнае ў жызьні — гэта цярпеньне!

— Галоўнае ў жыцьці — гэта шчасьце, — не вытрымліваю я.

— А-а... ну да-да-да! — пасьпешліва згаджаецца бабуля і адварочваецца, нібы кагосьці вызіраючы на дарозе...

Ігар Канановіч

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG