Лінкі ўнівэрсальнага доступу

logo-print

Група па Ўкраіне ў Менску: Шмат узгаднілі, нічога не падпісалі


Марцін Сайдык

Марцін Сайдык

Вынікі паседжаньня Трохбаковай кантактнай групы па ўрэгуляваньні сытуацыі на Данбасе 21 ліпеня ў Менску падвёў спэцпрадстаўнік АБСЭ ў групе Марцін Сайдык. Ён паведаміў, што ўрад Нямеччыны дапаможа ва ўзнаўленьні аб’ектаў водазабесьпячэньня на Данбасе.

Марцін Сайдык: «Працоўная група па бясьпецы — дасягнутае ўзгадненьне і плян адводу танкаў і некаторых відаў узбраеньняў калібрам менш за 100 мм паэтапна па вызначанаму графіку. У мінулы раз мы пра гэта казалі. На гэты раз мы змаглі дасягнуць дамоўленасьці.

Па Шырокіна працягвалася абмеркаваньне пляна па дээскаляцыі.

Працоўная група па палітычных пытаньнях абмяркоўвала далей пытаньні пра заканадаўства і правядзеньне мясцовых выбараў. У гэтай групе, і гэта можна насамрэч сказаць, вельмі інтэнсіўны графік працы. Вельмі важныя пытаньні.

Працоўная група па гуманітарных пытаньнях. Першае — адбудзецца візыт каардынатара групы амбасадара Фрыша ў зону канфлікту на працягу гэтага тыдня.

Па-другое, абмяркоўвалася магчымасьць арганізацыі дадатковага прапускнога пункта ў Луганскай вобласьці. Мы лічым, шо гэта важнае разьвіцьцё. Спадзяёмся, што зможам працягваць і знойдзем рашэньне, бо гэты пункт вельмі важны для насельніцтва, для людзей, каб палегчыць іх жыцьцё.

Працоўная група па эканамічных пытаньнях. Бакі гаварылі, па-першае, пра ўзнаўленьне аб’ектаў водазабесьпячэньня ў Данецкай і Луганскай абласьцях з дапамогай ураду Нямеччыны. І па-другое, пра ўзнаўленьне чыгуначнай інфраструктуры па перавозцы вугалю».

Раней дзейны старшыня АБСЭ Івіца Дачыч, які прыняў сёньня ўдзел у сустрэчы Трохбаковай кантактнай групы па Ўкраіне, паведаміў, што падпісаньне пагадненьня пра адвод узбраеньняў калібрам менш за 100 мм будзе падпісанае сёньня. Аднак падпісаньня не адбылося.

Дзяніс Пушылін і Ўладзіслаў Дайнэга

Дзяніс Пушылін і Ўладзіслаў Дайнэга

Дзяніс Пушылін, прадстаўнік т.зв. ДНР, паведаміў, што пагадненьне па адводзе цяжкіх узбраеньняў будзе падпісана з удзелам кіраўнікоў самаабвешчаных рэспублік «у бліжэйшым часе». Дакладная дата чарговай сустрэчы Трохбаковай кантактнай групы невядомая.

Уладзіслаў Дайнэга абвінаваціў Украіну ў тым, што яна паводзіць сябе «неканструктыўна» ў працы падгрупы па палітычных пытаньнях. Паводле Дайнэгі, размова ідзе пра праблемы адмысловага статусу раёнаў Данбасу і правядзеньне мясцовых выбараў

Паказаць камэнтары

XS
SM
MD
LG