Лінкі ўнівэрсальнага доступу

logo-print

У Менску гарэў дах Дома ўраду


Ліквідацыя наступстваў узгараньня на даху Дома ўраду

Ліквідацыя наступстваў узгараньня на даху Дома ўраду

Відавочцы паведамілі Свабодзе пра чорны дым над менскім Домам ураду, што на плошчы Незалежнасьці. МНС пацьвердзіла карэспандэнту Свабоды:

«Ажыцьцяўляліся працы на даху, было ўзгараньне, але ўсё ўжо патушылі. Ніхто не пацярпеў».

На месцы здарэньня ахоўнік паведаміў карэспандэнту Свабоды, што ідуць вучэньні.

МНС удакладняе ў Twitter: У 14:04 паступіла паведамленьне пра ўзгараньне, у 14:08 узгараньне было ліквідаванае. Назіралася «тленьне на даху адміністрацыйнага будынка на плошчы 5 м²».

«Аб’ект сур’ёзны, таму машын было шмат. Прычыны высьвятляюцца», — дадае МНС.

Дом ураду быў збудаваны ў 1930-34 гг паводле праекту архітэктара Іосіфа Лангбарда. У будынку працуе урад і Палата прадстаўнікоў Нацыянальнга сходу Рэспублікі Беларусь.

Выбары ў Палату прадстаўнікоў прайшлі 11 верасьня, першыя сэсія новага скліканьня пачнецца 11 кастрычніка.

Паказаць камэнтары

XS
SM
MD
LG