Лінкі ўнівэрсальнага доступу

Гарань: Пуцін не атрымаў у Менску ніякіх саступак


Аляксей Гарань
Аляксей Гарань

Прафэсар катэдры паліталёгіі Кіева-Магілянскай акадэміі Аляксей Гарань станоўча ацаніў падпісаньне чарговай менскай дамоўленасьці пра спыненьне агню і адзначыў, што цалкам узгодненая пазыцыя Ўкраіны і Эўразьвязу не дала Пуціну магчымасьці вытаргаваць для сябе палітычныя саступкі.

Прафэсар катэдры паліталёгіі Кіева-Магілянскай акадэміі Аляксей Гарань станоўча ацаніў падпісаньне чарговай менскай дамоўленасьці пра спыненьне агню і адзначыў, што цалкам узгодненая пазыцыя Ўкраіны і Эўразьвязу не дала Пуціну магчымасьці вытаргаваць для сябе палітычныя саступкі.

«Пагадненьне ў цэлым я ацэньваю пазытыўна. Яно базуецца на верасьнёўскіх менскіх дамоўленасьцях, выкананьне якіх стварае магчымасьць і для спыненьня агню, і для далейшай паступовай дээскаляцыі канфлікту. Для Ўкраіны вельмі важны пункт пра неабходнасьць вываду іншаземных наймітаў і незаконных фармаваньняў зь яе тэрыторыі. Гэта значыць, што так званыя расейскія добраахвотнікі, сярод якіх чачэнцы і казакі, будуць змушаныя пакінуць тэрыторыю Ўкраіны», — адзначыў палітоляг.

Але якімі б прыгожымі ні былі пагадненьні, застаецца пытаньне іх выкананьня, адзначыў Аляксей Гарань:

«Мы бачылі, што папярэднія менскія дамоўленасьці не выконваліся. Але я думаю, што цяпер сытуацыя ўсё ж іншая, чым была ў верасьні. Цяпер ідзе надзвычай моцны ціск на Пуціна. У Менску мы пабачылі абсалютна ўзгодненую пазыцыю Ўкраіны і Эўразьвязу. Гэта быў сур’ёзны ціск на расейскага лідэра. Калі Пуцін разьлічваў, што пачаўшы эскаляцыю канфлікту перад менскім самітам, ён атрымае больш саступак, то ён моцна памыліўся. Яго разьлік не спрацоўвае — і ніякіх аўтаномных рэспублік у складзе Ўкраіны памерам з Луганскую і Данецкую вобласьці ён не атрымлівае, у дакумэнце гаворыцца толькі пра асобныя раёны Данецкай і Луганскай абласьцей».

Яшчэ адной сур’ёзнай дыпляматычнай паразай расейскага боку прафэсар лічыць непрызнаньне Захарчанкі і Платніцкага як афіцыйных прадстаўнікоў ДНР і ЛНР:

«Лідэры ДНР і ЛНР фігуруюць у дакумэнце проста як Захарчанка і Платніцкі, няма ніякіх узгадак пра іх пасады, ды і пра самаабвешчаныя фармаваньні таксама няма ніводнага слова. Гэта сьведчыць пра тое, што плян Пуціна легітымізаваць сэпаратыстаў праваліўся».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG