Лінкі ўнівэрсальнага доступу

Брат Кім Чэн Ына забіты з дапамогай нэрвова-паралітычнага газу


Кім Чэн Нам (зьлева) і Кім Чэн Ын
Кім Чэн Нам (зьлева) і Кім Чэн Ын

Кім Чэн Нам, зводны брат кіраўніка КНДР Кім Чэн Ына, быў забіты з дапамогай нэрвова-паралітычнага газу VX, паведаміў у чацьвер кіраўнік паліцыі Малайзіі.

Заключэньне паліцыі грунтуецца на выніках патолягаанатамічнай экспэртызы. Сляды газу былі знойдзеныя на твары і вачах забітага. Напад на Кім Чэн Нама адбыўся 13 лютага ў аэрапорце Куала-Лумпур. На яго напалі перад пасадкай у самалёт па дарозе ў Макаў. Малайзійская паліцыя арыштавала чатырох падазраваных. У іх ліку дзьве жанчыны, грамадзянкі Віетнаму і Малайзіі, якія, як падазрае сьледства, учынілі напад, і грамадзянін Паўночнай Карэі. Вядзецца вышук яшчэ сямі грамадзян КНДР, магчыма, датычных да забойства.

У канвэнцыях аб хімічным зброі ад 1997 і 2005 гадоў VX кваліфікаваны як баявое атрутнае рэчыва. У заходніх экспэртаў ёсьць зьвесткі, што Пхэньян мае гэты газ.

У сераду Пхэньян адверг хоць якое-небудзь дачыненьне да сьмерці Кім Чэн Нама, абвінаваціўшы Малайзію ў фабрыкацыі доказаў у змове з Паўднёвай Карэяй. Пхэньян падмацаваў сваё абвінавачаньне напамінам пра тое, што КНДР «зьяўляецца дзяржавай, якая валодае ядзернай зброяй».

Малайзія ў сувязі з інцыдэнтам хоча дапытаць акрэдытаванага ў краіне высокапастаўленага паўночнакарэйскага дыплямата, які знаходзіўся ў аэрапорце ў момант замаху на Кім Чэн Нама, але КНДР не паведамляе, ці мае намер яна супрацоўнічаць са сьледствам.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG