Двое швайцарцаў спрабуюць давесьці, што сонечная энэргія здольная прыйсьці на зьмену цяперашнім «брудным» рухавікам.
Сёньня раніцай двое паветраплавальнікаў распачалі першую ў гісторыі спробу зьдзейсьніць аблёт зямнога шара на апараце, які выкарыстоўвае выключна сонечную энергію. Самалёт вылецеў з Абу-Дабі і праз 10 гадзін павінен прызямліцца ў Маскаце, сталіцы султанату Аман.
Некаторыя этапы кругасьветнага пералёту, напрыклад, над Ціхім і Атлянтычным акіянамі, запатрабуюць беспасадкавага знаходжання ў паветры на працягу некалькіх сутак.
Размах крылаў апарата Si2 трохі перавышае размах крылаў «Боінга-747», але вага самалёта супастаўная з сярэднім легкавым сямейным аўтамабілем.
Заснавальнікі праграмы Solar Impulse і пілёты сонечнага апарата швайцарцы Бертран Пікар і Андрэ Боршбэрг выказалі надзею, што іх намаганьні будуць садзейнічаць паступовай адмове ад цяперашніх тэхналёгій, якія «забруджваюць навакольнае асяродзьдзе».
